web counter
LEXO PA REKLAMA!

SHKARKO APP

App Store
Google Play

E fundit!

x

Besimtarët ortodoksë festojnë sot Pashkët/ Tradita dhe simboli  kësaj feste

28 Prill 2019, 06:45, Aktualitet CNA

Besimtarët ortodoksë në mbarë vendin kremtuan në mesnatë ngjalljen e Krishtit në meshën e pashkëve, dita më e rëndësishme në kalendarin festiv të krishterë.

Të krishterët në festën e pashkës kremtojnë ringjalljen e Krishtit, moment ky që simbolizon rilindjen e shpresës, forcimin e besimit tek zoti për të gjithë besimtarët, kalimin nga e përkohshmja në të përjetshmen dhe çlirimin e njerëzve nga mëkati.

Atmosferën e Pashkës besimtarët e shprehin duke uruar “Gëzuar për shumë vjet Pashkët”, por ajo që shpreh më shumë frymën e periudhës së Pashkës është përshëndetja “Krishtit u ngjall” dhe si përgjigje ka “Vërtet u ngjall”

Kur flasim për Pashkët, nuk mund të mos mendojmë vezët e kuqe.

Vezët e Pashkëve janë pjesë e traditës së krishterë. Vezët e ngjyrosura me ngjyrë të kuqe simbolizojnë jetën, e mbyllur brenda lëvozhgës së saj, ndërsa ngjyra e kuqe e vezëve simbolizon sakrificën dhe në rastin konkret, sakrificën e Krishtit.

Veza, një simbol i lashtë i jetës së re, ka qenë e pranishme në festat pagane të festimit të pranverës. Parë nga këndvështrimi i krishterë, vezët e Pashkës përdoren për të simbolizuar ringjalljen e Jezusit.

Vezët e dekoruara për Pashkë janë një traditë që daton të paktën që nga shekulli i 13-ë, sipas disa burimeve.

Meqenëse vezët ishin një ushqim i ndaluar gjatë periudhës së Kreshmës, njerëzit i pikturonin dhe i dekoronin ato për të shënuar fundin e periudhës së pendesës. Në ditën e Pashkës ato vinin me bollëk, duke u kthyer kështu në simbol të mirëfilltë të festës.





Lajmet e fundit nga