web counter
LEXO PA REKLAMA!

SHKARKO APP

App Store
Google Play

E fundit!

x

U shoqërua nga Policia/ Boçi: Hakmarrje e Edi Ramës

27 Prill 2019, 19:25, Aktualitet CNA

Ish deputeti demokrat Luçiano Boçi u la i lirë pas shoqërimit nga Policia e Elbasanit, për shkak të incidenteve të krijuara ditën e sotme me eskortën e kryeministri Edi Rama.

Boçi u shoqërua së bashku me 17 protestues të tjerë.

Në një prononcim për mediat, pas daljes nga komisariati, Boçi theksoi se shoqërimi i tij dhe i protestuesve është një hakmarrje meskine e Edi Ramës.

Sipas Boçit, veprimi i sotëm i Policisë tregon se uniformat blu janë vënë totalisht në shërbim të kryeministrit.

?Kjo është ajo hakmarrja meskine e Edi Ramës, për shkak se qytetarët e Elbasanit e braktisën takimit e tyre dhe ndaluan ardhjen e tij në Elbasan. Këta kërkojnë të burgosin opozitën, por opozita nuk mund të burgoset se opozita janë të gjithë qytetarët.  Veprimi i sotëm tregon se policia është vënë totalisht në shërbim të Edi Ramës.

Qytetarët janë në të drejtën e tyre për të protestuar, ndaj kryeministrit ndaj kësaj qeverie. Të gjithë pamjet e regjistruar nga media, por edhe nga qytetarët që kanë qenë aty kanë treguar se policia ka qenë e armatosur deri në dhëmbë. Ka provokuar ka sharë ka fyer qytetetarët, vetëm e vetëm që kryeministri të kalonte i qetë?,-deklaroi Boçi./CNA.al





Lajmet e fundit nga