web counter
LEXO PA REKLAMA!

SHKARKO APP

App Store
Google Play

E fundit!

x

Rama injoron “Lulin dhe Mulin”

26 Prill 2019, 16:18, Aktualitet CNA

Kryeministri, Edi Rama, ka injoruar ish deputetin e PD-së, Flamur Noka, i cili është i deleguari i PD-së për qarkun e Shkodrës, duke e cilësuar atë  “hu gardhi”, që nuk krahasohet me Jozefina Topallin.

Sipas Ramës, Topalli ishte kundërshtare e vërtetë, ndërsa Noka e ka mendjen të djegë goma.

?Jozefina Topallin ne e kemi pasur kundërshtare. Topalli nuk i ka kursyer fjalët në drejtimin tim, por, me thënë të drejtën, tani, kur përballesh me Jozefinën, të paktën ke përpara kundërshtar, por kur përballesh me Flamur Nokën ke përpara një hu që nuk ka fermer që e përdor për gardhin e vet?,-tha Rama.

Më tej Kryeministri pyeti qytetarët e Shkodrës nëse mendonin se PD e Lulit dhe e Mulit është më e fortë se ajo e Berishës dhe Topallit.

?Tani ka ndonjë këtu në Shkodër, që e beson dot tani se është më e fortë partia e Lulit dhe e Mulit se partia e Saliut dhe Jozefinës?! Nuk e beson as edhe vetë miku im Zef Gjoni. Është më e fortë PD e Shkodrës sot seç ishte në 2013?! Ma thotë dot njeri këtu? Krahaso partinë që drejtohej nga Jozefina me partinë që drejtohet nga Flamur Noka. Ku e gjetën mo, pse jua sollën ju? Çfarë ishte ky taksirat? Se diku do e çonin, se në Kukës nuk e pranon njeri, por pse e sollën në Shkodër??, -tha, ndër të tjera, Rama./CNA.al





Lajmet e fundit nga