web counter
LEXO PA REKLAMA!

SHKARKO APP

E fundit!

x

Gazmend Bardhi kërcënon Ramën/ Paralajmëron akte dhune

16 Prill 2019, 10:54, Aktualitet CNA

Sekretari i Përgjithshëm i Partisë Demokratike, Gazmend Bardhi ka reaguar sërish sot në lidhje me shoqërimin e ptrotestuesve gjatë protestës së 13 prillit.

Në një prononcim për mediat nga Gjykata Penale e Tiranës, Bardhi ka deklaruar se nuk ka asnjë provë ndaj të shoqëruarve, për akte dhune. Sipas tij, kryeministri Rama po i vë një damkë të zezë Shqipërisë, duke përdorur burgun politik kundër protestuesve.

?Nuk ka asnjë provë për akte dhune nga ana e protestuesve. Ata janë të burgosur politik sepse mbështesin Partinë Demokratike dhe sepse janë kundër Edi Ramës.

Rama po i vë një damkë Shqipërisë, atë të burgosjes politike. Ai po përpiqet të mbajë pushtetin kriminal, duke futur në burg protestuesit?-tha Gazmend Bardhi.

Më tej, ai ka kërcënuar hapur Ramën se nëse vazhdon me dhunë ndaj protesuesve, dhuna do ti kthehet mbrapsht.

?Sa më shumë protestues që do të arrestohen, aq më shumë  qytetarë do të ketë në shesh. Protestuesit deri tani kanë dalë në protesta paqësore, por nëse Edi Rama do të vazndojë me dhunë ndaj tyre, dhuna do ti kthehet mbrapsht?-tha Gazmend Bardhi.

Gjithashtu ai tha se 200 qytetarë janë shoqëruar në protestat e opozitës, 10 të tjerë janë në burg politik, sipas tij me urdhër të Edi Ramës dhe dhjetëra të tjerë në kërkim apo po ndiqen penalisht./CNA.al





Lajmet e fundit nga