web counter
LEXO PA REKLAMA!

SHKARKO APP

App Store
Google Play

E fundit!

x

Kallëzimi ndaj kryebashkiakut/ Basha: Sulm nga një kryeministër hakmarrës

16 Prill 2019, 09:44, Aktualitet CNA

Kryetari i Partisë Demokratike, Lulzim Basha ka reaguar pas kallëzimit penal të bërë nga IKMT-ja, kundër kryebashkiakut të Kavajës, Isa Sakja.

Në një deklaratë për mediat, kryedemokrati Basha deklaron se kallëzimi penal kundër Isa Sakjas vjen nga i njëjti kryeministër i korruptuar dhe i lidhur me krimin që vazhdon të mbrojë Vangjush Dakon, Qazim Sejdinin, Erjon Veliajn të cilët betonizuan qytetet duke favorizuar kriminelët.

?Kallëzimi penal kundër Kryetarit të Bashkisë së Kavajës, Isa Sakja, është sulm politik kundër kundërshtarit politik, i parathënë nga Edi Rama disa javë më parë.

Ky sulm politik është i orkestruar nga një kryeministër hakmarrës, që nuk e pranon dot se qytetarët në Kavajë nuk drejtohen më nga një përdhunues dhe trafikant droge apo grabitës pronash në bregdet.

Kallëzimi politik penal kundër Isa Sakjas vjen nga i njëjti kryeministër i korruptuar dhe i lidhur me krimin që vazhdon të mbrojë Vangjush Dakon, i cili betonizoi Durrësin dhe plazhin e tij, duke u dhënë pasuri publike kriminelëve me të cilët bleu votat. Kallëzimi është urdhëruar nga kryeministri i Qazim Sejdinit, që komandon trafikun e drogës në Elbasan dhe e ka bërë qytetin plaçkë betoni të bandave.

Sulmi politik ndaj kryebashkiakut të Kavajës vjen nga i njëjti kryeministër që, bashkë me shërbëtorin e tij, Erion Veliaj, kanë betonizuar Tiranën, duke e shndërruar në lavatriçen më të madhe të pastrimit të parave në Ballkan.?-deklaron Lulzim Basha.

Më tej, ai thekson se Rama është kryeministri më i korruptuar në Europë dhe se shumë shpejt ka për të humbur gjithë Shqipërinë.

?As kallëzimet politike, as gazi lotsjellës, as propaganda nuk e ndihmojnë dot më Edi Ramën. Kryeministri më i korruptuar sot në Europë e ka humbur Kavajën dhe, shumë shpejt, ka për të humbur gjithë Shqipërinë!?-përfundon deklaratën e tij Lulzim Basha.





Lajmet e fundit nga