web counter
LEXO PA REKLAMA!

SHKARKO APP

App Store
Google Play

Shpëton struktura e katedrales “Notre Dame”/ Macron: Do ta rindërtojmë të gjithë së bashku

16 Prill 2019, 06:49, Aktualitet CNA

Një zjarr masiv ka përfshirë mbrëmjen e djeshme katedralen “Notre Dame de Paris”. Zjarri ka zgjatur mbi 9 orë, por fatmirësisht është arritur të shpëtohen dy nga kullat e katedrales dhe struktura shkëmbore e godinës Gotike, 850-vjeçare.

Pas më shumë se 9 orësh betejë me flakët, zjarrfikësit arritën të vënë nën kontroll zjarrin, por një prej zjarrfikësve ka marrë plagë të rënda dhe është dërguar në spital për trajtimin e nevojshëm mjekësor.

Ndërkohë, presidenti Emmanuel Macron e cilësoi ngjarjen tragjike, por evidentoi si shumë të rëndësishëm faktin që u shpëtua struktura e saj dhe premtoi se do ta rindërtojnë të gjithë së bashku.

?Ne do ta rindërtojmë katedralen të gjithë së bashku dhe ajo padyshim do të mbetet një nga destinacionet kryesore të Parisit?, tha Macron duke njoftuar se shumë shpejt do të hapë një skemë ndërkombëtare të mbledhjes së fondeve, për t?i rikthyer kryeqytetit Notre Dame-n e famshme.

Vetëm një javë përpara festës së Pashkëve, katedralja me e famshme në botë u shfaq e përfshire nga flakët. Ndonëse shkaqet e zjarrit zyrtarisht nuk janë bërë të ditura, të dhënat e para tregojnë se flakët kanë rënë si pasojë e një restaurimi qe kishte nisur ne pjesën e sipërme të ndërtesës. Edhe presidenti amerikan Donald Trump permes rrjetit social Tëitter reagoi ne lidhje me ngjarjen e trishtueshme.

?Një gjë tmerrshme të shikosh zjarrin masiv në katedralen Notre Dame te Parisit. Ndoshta hedhja e ujit nga sipër mund të përdoret mbi të. Duhet vepruar shpejt?

Kryebashkiakja e Parisit Anne Hidalgo shkruante në Tëitter: ?Një zjarr i tmerrshëm ka përfshirë katedralen Notre Dame në Paris, ndërsa zjarrfikësit janë duke u përpjekur të kontrollojnë zjarrin. Ne jemi mobilizuar në nivel lokal në lidhje të ngushtë me autoritetet e kishës. U kërkoj të gjithëve që të respektojnë perimetrin e sigurisë?.





Lajmet e fundit nga