E fundit!

21:01 Aktualitet

Dita e 48 e protestës/ Thirrje për mobilizim përpara Kuvendit më 23 korrik

Protesta qytetare kundër qeverisë ka vijuar ditën e 48-të ...

Basha tradhton dhe gënjen demokratët/ Dje, u firmos rrëzimi i Ramës apo marrëveshja e radhës?

14 Prill 2019, 09:05, Aktualitet CNA

Dje, Opozita e Bashkuar, ashtu siç kishin parlajmëruar dolën në rrugë për të protestuar.

Protesta është një e drejtë e ligjshme e çdo qytetari. Por në rastin aktual të gjithat gjasat tregojnë se nuk bëhet fjalë për të drejtat e qytetarit, por për interesa personale të Lulzim Bashës.

Kjo tashmë është faktuar në të gjitha protestat e e zhvilluara nga e ashtuquajtura Opozitë Bashkuar.

Edhe në protestën e djeshme, ashtu si në të kaluarat, Basha i la në rrugë protestuesit.

Pas fjalimit të tij, ai u largua në mënyrë të befasishme nga sheshi para kryeministrisë, duke i lënë protestuesit të konfrontohen me Policinë.

Të njëjtën situatë e kemi parë edhe më herët në protestat e tjera, madje në protestat e kaluara ka pasur qytetarë që i kanë kërkuar llogari Bashës se përse i tradhtoi.

Edhe gjatë përplasjes së protestuesve me policinë para Parlamentit Basha, u zhduk. Gazetarët nga terreni raportonin për largim të Bashës.

Ndërkohë situata degjeneroi në dhunë ndaj policisë e me djegie makinash.

Vetëm pas hedhjes së gazit lotsjellës, Basha u shfaq me një shami në duar duke mbajtur hundët.

Në këtë pozicion qëndroi sa për t’u bërë objektiv i kamerave dhe fotografëve dhe më pas u nis drejt selisë blu, për ritualin e përhershëm.

Duke qenë i vetëdijshëm se kishte dështuar, pasi edhe pjesëmarrja ndonëse e trumbetuar madhështore, linte për të dëshiruar, Basha vijoi të përsëriste vetveten.

Kryefjala e tij ishte se nuk ka kompromis dhe zgjedhje me Edi Ramën. Aq shumë e ka përsëritur këtë shprehje, duke bërë që kjo deklaratë të tij të shkonte në formën e një mesazhi të koduar për Ramën.

Ai tha se protesta ishte më e madhja në historinë e Shqipërisë i dha fund sundimit të Edi Ramës dhe se ishte firmosur rrëzimi i tij.

Nuk dihet se për çfarë sundimi dhe rrëzimi flet Basha, kur Rama sot është ende kryeministër.

?Kundragazi, arrestimet dhe asnjë formë tjetër presioni nuk kanë për të pasur sukses pasi fundi i Edi Ramës është firmosur. Protesta e sotme më e madhja në historinë e Shqipërisë i dha fund sundimit të Edi Ramës. I dha fund pushtuesit Edi Rama që ka zaptuar institucionet. Jemi të gjithë bashkë për Shqipërinë si gjithë Europa?, ka thën Basha.

Kjo duket se është metoda e zgjedhur nga Basha, për t’i shtuar jetëgjatësinë qeverisjes së Ramës, ndërkohë që po bëhen kurban qytetarët dhe punonjës policie./CNA.al

Foto-Dështimi i radhës i Bashës/ Ja sa protestues kishte në shesh