E paprecedentë/ Lulzim Basha, shantazh me Vettingun

13 Prill 2019, 11:16, Aktualitet CNA

Kryetari i Partisë Demokratike, Lulzim Basha ditën e djeshme ka reaguar me tone të forta, pas përfundimint të procesit gjyqësor për dosjen ?Babale? që vendosi të marrë të pandehur për kallëzim të rremë, ish- deputetin e PD, Ervin Salianji dhe gazetarin Jetmir Olldashi.

Në një prononcim për mediat, Lulzim Basha tha se ?Dua ta dënoj ashpërsisht këtë akt të korruptuar dhe Kriminal. Dua t?ja bëj të qartë Kastriot Gramshit, gjyqtar i çeshtjes, dhe dy prokurorëve, se nuk do të ja hedhin vettingut me këtë akt që kanë ndërmarrë. Se ne nuk do të pranojmë asnjë transaksion nga procesi i kompromentuar politik i vettingut për të varrosur dosjet kriminale të bandës në pushtet dhe për të çuar në mënyrë të rreme, denoncuesit e krimit.

Prandaj të jenë të sigurtë, ai dhe të dy prokurorët, dhe çdo prokuror dhe gjyqtar tjetër, që nji për nji vettingut do tu bëhet publikisht nga Partia Demokratike.?

Por, ka edhe një tjetër detaj.

Lulzim Basha në pothuajse të gjitha daljet e tij mediatike e ka sulmuar Vettingun. Ka dalë e ka thënë shpesh herë në media se është kapur nga Edi Rama, është kapur nga PS-ja apo nga Rilindja.Lulzim Basha shpesh herë ka thënë se Reforma në Drejtësi është e deformuar.

Por, tani lind një pyetje?

Si do t?ju bëhet Vettingu këtyre prokurorëve dhe gjykatësit, nëse PD nuk ka përfaqësues në Vetting?

Apo, ndoshta Basha luan me dy porta?

Pra, mos ndoshta nga njëra anë del e thotë që Vettingu është i kapur nga Rilindja dhe nga ana tjetër ka futur brenda në strukturat e tij njerëz të PD-së dhe Lulzim Bashës, por këtë ai nuk e deklaron, por i përdor për kur t?i duhen për të goditur struktura të caktuara të drejtësisë, të cilat nuk bëjnë atë që kërkon ai, por zbatojnë ligjin?

Për më tepër, Basha tha se do t?ju bëhet në publik, Vettingu nga PD-ja.

Por, Vettingu në publik është një kërcënim dhe shantazh ndaj prokurorëve dhe gjyqtarit.

Ky është një akt i paprecedentë, kur kryetari i një partie del e i bën shantazh drejtësisë, njësoj sikurse ka bërë edhe Edi Rama dje në opozitë.

Ky duket të jetë veçse një shantazh i Lulzim Bashës, të cilit nuk i pëlqen vendimi pas rezultatit të hetimit dhe del e kërcënon se do t?ju bëjë Vettingun publikisht.

Ky kërcënim është njëlloj si ato që bëntë Enver Hoxha në kohën e diktaturës, për të dënuar ata të cilët i cilësonte ?me sjellje të pahijshme në shoqëri?.

Personat e përfshirë në çështje nuk janë njerëz të paprekshëm dhe nëse ka prova dhe fakte që kanë deformuar apo inskenuar çështjen në fjalë do mbajnë përgjegjësi sipas ligjit.

Pse, Basha nuk ua ka bërë deri tani Vettingun në publik gjyqatrëve dhe prokurorëve të korruptuar?

Basha ka gjashtë vite që është kryetar i PD-së, përse nuk e ka bërë këtë deri tani?

Nëse ka dosje pse nuk i ka nxjerrë në publik, por i përdor për shantazh.

Nëse ka dosje korrupsioni le t?i bëjë publike.

Në momentin që ka deklaruar, Lulzim Basha do të duhej ti kishte publikuar tashmë dosje, se ndryshe quhet shantazh ndaj njerëzve që duan të zbatojnë drejtësinë./ CNA.al