web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Berisha “grusht” Bashës/ “Përkëdhel” Kryemadhin

8 Prill 2019, 12:40, Aktualitet CNA

Gjatë një mbledhje që ka zhvilluar sot me kryesinë e PD-së dhe ish-deputetët, kryetari i Partisë Demokratike, Lulzim Basha ka thënë se opozita aktualisht është defakto shumicë në vend.

?Ne jemi de fakto shumicë. Që pas djegies së mandateve, PD ka një rritje të menjëhershme edhe mes të pavendosurve?, ka thënë Basha.

Por, reagimi i ish-kryeministrit dhe liderit historik të PD-së, Sali Berisha ka lënë pa fjalë shumicën e të pranishmëve në takim.

Burime për CNA.al bëjnë të ditur se ish-kryeministri Sali Berisha ka ?përkëdhelur? Monika Kryemadhin, ka përqafuar LSI-në, por edhe i ka dhënë një ?grusht? fytyrës Lulzim Bashës, duke ia thënë copë, se ai nuk është një lider politik.

?Partia Demokratike është një forcë e madhe politike dhe një logo e madhe dhe ajo si e tillë lëviz dhe rritet. Pa asnjë diskutim që djegia e mandateve ka dhënë një efekt. Për mua, ne kemi një koalicion fitues, dhe një koalicion që funksionon, por që ta çosh PD-në në fitore duhet të kalosh një oqean të tërë në këmbë dhe atëherë, pasi të fitosh mund të quhesh lider.?-i është drejtuar Berisha në mënyrë të drejtpërdrejtë Lulzim Bashës.

Qëndrimi i ish-kryeministrit ka lënë pa gojë, një pjesë të madhe të ish-deputetëve apo nga ata pak politikanë të karrierës apo të rinj aty që e kuptojnë mënyrën sesi artikulon Berisha, të cilët kanë parë në sy njëri-tjetrin për qëndrimin e ish-kryeministrit, i cili duket se ia ka thënë copë Lulzim Bashës, se ai ende nuk është lideri i Partisë Demokratike./ CNA.al





Lajmet e fundit nga