Shkarkimet e padrejta në administratë/ 102 milionë euro dëm shtetit

4 Prill 2019, 11:24, Aktualitet CNA

Ish-kryetari i grupit parlamentar të LSI-së, Petrit Vasili ka komentuar sot largimet, sipas tij të padrejta të punonjësve nga puna.

Në një deklaratë për mediat, Vasili tha se vetëm për largime të padrejta, partiake, pa rregull, pa ligj, shteti shqiptar detyrohet të paguajë vetëm në 5 vite, 102 milionë euro.

?Vetëm për largime të padrejta, partiake, pa rregull, pa ligj, shteti shqiptar detyrohet të paguajë vetëm në 5 vite, 102 milionë euro. Këto para që janë as më shumë e as më pak se sa 3 spitale të reja, janë minimumi 20 shkolla të reja, janë minimumi disa dhjetëra mijëra qytetarë që mund të marrin barna për të cilat paguajnë lekun e fundit nga xhepi apo hyjnë borxh lart e poshtë apo të gjithë familjarët mblidhen me solidaritet për ti mbajtur gjallë. Ikin dhe shkojnë pikërisht për kapriçot e pushtetit dhe për të ndërtuar një administratë të korruptuar, të paaftë, ineficente dhe armike të qytetarit. Vetëm në vitin 2018, nga janari deri në dhjetor janë shpenzuar 13.8 milionë dollarë.?-tha Vasili.

Sipas ish-deputetit Vasili, kjo shumë e parave nuk është as më shumë e as më pak se sa 3 spitale të reja, janë minimumi 20 shkolla të reja, janë minimumi disa dhjetëra mijëra qytetarë që mund të marrin barna për të cilat paguajnë lekun e fundit nga xhepi apo hyjnë borxh lart e poshtë apo të gjithë familjarët mblidhen me solidaritet për ti mbajtur gjallë.

?Qytetarë fiksojeni mirë në mëndje, 102 milionë dollarë kanë ikur nga financat e shtetit, pra spitalet, shërbimet shëndetësore, barna, shkolla, zyra, mundësi punësimi, investime në infrastrukturë, para të bollshme për të dëmshpërblyer në mënyrë korrekte banorët e Unazës së Re. Me bollka do të kryheshin të gjitha këto. Pra kjo hajdutëri e madhe ka ndodhur vetëm e vetëm për të vendosur militantët e timonit dhe tepsisë.?-tha Vasili.

Më tej, ai theksoi se jemi përpara një situate të shkatërrimit të administratës.

?Kryeministri me të gjithë çmendurinë politike dhe shtetërore që e karakterizon, ka paguar mbi 100 e ca milionë euro të tjerra për të ngritur portal.

Sepse kjo administratë e shkatërruar, e shpartalluar, partiake, militante deri në marrëzi, pasi qytetarët kanë nevojë për shërbime profesionale nuk kanë nevojë për militantizëm, u përpoq të zëvendësonte ligjet, rregullat e një shteti normal që do të afrohet me Europën, me portalet e tij.?-tha ndër të tjera Petrit Vasili./CNA.al