web counter
LEXO PA REKLAMA!

SHKARKO APP

App Store
Google Play

E fundit!

x

Fjalimi i Rudina Hajdarit/ Ngjela: Mendimi i zv.ndihmësit të Sekretarit të Shtetit amerikan

3 Prill 2019, 20:45, Aktualitet CNA

Avokat Spartak Ngjela, në një postim në rrjetet sociale ka komentuar situatën politike në vend.

Sipas tij, fjalimi i Rudina Hajdarit sot në Parlament është mendimi i zv.ndihmësit Sekretarit të Shtetit amerikan që pritet të vizitojë Tiranën me 9 Prill.

Më tej avokati shkruan se Rama bërtet kot sepse e di që pa Berishën është i humbur.

Postimi i plotë:

Fjalimi i Rudina Hajdarit sot në Parlament, pritet të jetë edhe mendimi i Zëvendës/ ndihmës Sekretarit të Shtetit amerikan që do të vijë në Tiranë në datë 9 prill.

Duhet të thuhet qartë nga politika amerikane që grupi i Sali Berishës nuk ka më punë me Parlamentin dhe pengesa që i bën Rama reformës në drejtësi, po ashtu, duhet denoncuar hapur përpara shqiptarëve.

Rama bërtet kot, se e di që pa Berishën është një i humbur. Por sigurisht që këtë e di tani edhe politika amerikane. Sot u pa në Parlament që këtë e di ndërkohë dhe e njeh shumë mirë si fenomen edhe deputetja Rudina Hajdari. Ajo e tha hapur në fjalimin e saj, kur u shpreh se: “sistemi ektoral Berisha-Rama është marrëveshja antidemokratike e uzurpimit me radhe të pushtetit nga Berisha dhe Rama”.

Kjo është në fakt marrëveshja që pritet të godasë edhe zyrtari i lartë amerikan në datën 9 prill. A do të ndodhë? Të shohim.

Sigurisht gjithçka do të trajtohet së pari në gjuhë diplomatike të cilën Rama është mirë ta kuptojë.

Në një kohë që Berisha është vetëasgjesuar politikisht, çdo të bëjë Rama?

Nuk ka rrugë tjetër: ose do të nënshtrohet drejt reformës, ose do të luftohet politikisht me fakte konkrete nga Uashingtoni.

Kjo është rruga e politikës anerikane në favor të Shqipërisë dhe shqiptarëve.

Dyshja Rama-Berisha nuk është me shqiptarët dhe nuk punon për ta, por për korrupsionin e tyre vetjak që ka ardhur si pasojë e uzurpimit të pushtetit.

Gjithsesi, asgjë nuk do të bëjnë dot. Reforma shqiptare dhe uniteti gjithëshqiptar në Ballkanin Perëndimor është tanimë një proces i pandalshëm dhe triumfues./CNA.al





Lajmet e fundit nga