web counter
LEXO PA REKLAMA!

SHKARKO APP

App Store
Google Play

E fundit!

x

Kryeprokurorja "gri"/ Arta Marku "shitësja e supermarketit" të akuzës

30 Mars 2019, 08:06, Aktualitet CNA

Prokurorja e Përgjithshme e Përkohshme Arta Marku të mërkurën u shfaq në Prokurorinë e Tiranës dhe në atë të Krimeve të Rënda.

E veshur me gri dhe e ngrysur në fytyrë, me sytë ulur mbi deklaratën e përgatitur ajo “kryqëzoi” prokurorët.

Sidomos ndaj prokurorëve të Krimeve të Rënda, Arta Marku ka qenë jashtëzakonisht e ashpër, por njëherësh dukej dhe e emocionuar.

Gjatë kohë që lexonte kritikat ndaj prokurorëve, asaj i merrej fryma, a thua se po shikonte një film horror.

Ndonëse në atë gjendje, Marku nuk qëndroi pa larë hesapet me “të rebeluarit e Krimeve të Rënda”, ndonëse jo në mënyrë direkte.

“Pavarësisht ngarkesës keni treguar se dini të punoni dhe në kushtet e një presioni shumë dimensional, por disa prokurorë të tjerë nga radhët tuaj na kanë bërë që të na vijnë turp, e kanë keqpërdorur duke nxjerrë informacion dhe dokumentacion pa dashur t’ia dinë për ruajtje të sekretit hetimor. Ata kanë harruar të bëjnë detyrën dhe të kryejnë hetime aty ku duhet të kryheshin”, ka thënë Marku.

 Kryeprokurorja ka çuditur jo vetëm vartësit e saj por edhe gazetarët, dhe mbarë opinionin publik që e ndiqnin drejtpërsëdrejti, kur ka thënë se “Krimet  e Rënda janë organ hetimi”.

Në fakt, edhe ne kështu e kemi ditur se bëhet fjalë për Prokurorinë e Krimeve të Rënda, që është organ hetues,  por u desh Prokurorja e Përgjithshme e përkohshme të na iluminojë se nuk bëhet fjalë për supermarket.

“Ky është një organ hetimi dhe jo supermarket që çdo gjë ka çmim. Prokuroria për krimet e rënda ka qenë më cilësore ka ardhur në rënie për shkak të ndërthurjes së punës me interesa personale. Ju kërkoj të fokusoheni te puna, hetoni çështjet që kanë trazuar jetën politike. Hetimi të jetë objektiv. Mbani larg mediat, gazetarët nuk duhet të jenë pjesë e grupit hetimor, sikur po i trajtoni ju”, ka thënë Marku, duke të lënë përshtypjen se nuk e ka idenë se çfarë po thotë.

Nëse Krimet e Rënda janë kthyer në supermarket, përgjegjësia bie direkt mbi Markun dhe mikeshën e saj Donika Prela.

Pasi që në muajin Maj 2018 janë pikërisht dyshja Marku-Prela që e kanë nën kontroll Prokurorinë për Krime  të Rënda.

Thënë më qartë, i bie që dy zonjat në fjalë të jenë “shitëset e supermarketit” të Krimeve të Rënda.

Pra, ose duhet të pranojnë këtë status ose, mikeshat e kanë situatën jashtë kontrollit, që do të thotë kanë dështuar si drejtuese dhe bëjnë ç’bëjnë, “hedhin gurin dhe fshehin dorën”, duke sulmuar vartësit.

Edhe gazetarët, duket se janë fobi e kryeprokurores. Kur mori detyrën  ajo iu premtoi supriza në organin e akuzës. Realisht vërtet na ka suprizuar, duke shkelur ligjin, duke ngatërruar kompetencat, duke krijuar sherre dhe kaos në organin e akuzës./CNA.al

Arta Marku “shkund” Krimet e Rënda/ “Më vjen turp prej jush”

Basha fut në sherr prokurorët/ Arta Marku i ?tërheq? veshin Elisabeta Imerajt  

Krimet e Rënda në kaos/ Arta Marku pendohet që shkarkoi Hajdarmatën?

Cilët prokurorë fshehën dosjet “339” dhe “184”?/ Marku lëshon “bombën”

Arta Marku ?dush të ftohtë? vartësve/ Do të mbani përgjegjësi

 





Lajmet e fundit nga