web counter
LEXO PA REKLAMA!

SHKARKO APP

App Store
Google Play

Njoftimi i Gjykatës së Lartë/ 3 gjyqtarë japin 130 vendime për 24 orë

29 Mars 2019, 19:45, Aktualitet CNA

Përmes një njoftimi për media Gjykata e Lartë, ka shënuar një rekord për 24 orë nga dosjet e mbartura.

Tre gjyqtarë kanë arritur të shqyrtojnë e japin vendime për plot 130 procese të cilat ishin në pritje pranë kësaj gjykatë.

Gjykata ka lajmëruar se në arkiv ka 31 mijë dosje për t?i shqyrtuar, nga të cilat 16 mijë janë civile, 10 mijë administrative dhe 5 mijë penale.

Ndërkohë gjykata ka sqaruar se nga 19 gjyqtarë, ndodhen vetëm 3 dhe 9 ndihmësa ligjor që janë duke punuar çdo ditë në këtë gjykatë.

Njoftim për mediat:

Mbi gjendjen e dosjeve gjyqësore deri në përfundim të tremujorit të parë të vitit 2019

Në përfundim të tremujorit të parë të vitit 2019 bëjmë me dijë se, në Gjykatën e Lartë, megjithëse në përbërje vetëm me tre gjyqtarë, vazhdon shqyrtimi i dosjeve gjyqësore të regjistruara, përfshirë këtu edhe çështje të themelit.

Për shkak të situatës së krijuar me të cilën përballet sot kjo gjykatë, përparësi i është dhënë shqyrtimit të çështjeve më urgjente ma natyrë civile, administrative dhe panale.

Vetëm ditën e enjte, datë 28.03.2019, trupa gjyqësore arriti të marrë vendime për rreth 130 dosje të tilla. Ndërkaq edhe këshilltarët e mbetur (aktualisht 9), vazhdojnë studimin e dosjeve dhe hartimin e relacioneve përkatëse, bazuar në Urdhrin e Brendshëm të Kryetarit të Gjykatës së Lartë.

Aktualisht numri i dosjeve të regjistruara në Gjykatën e Lartë, për periudhën e sipërpërmendur, është rreth 31.000, prej të cilave 16.000 dosje civile, 10.000 dosje administrative dhe 5.000 dosje penale. /CNA.al

 





Lajmet e fundit nga