web counter
LEXO PA REKLAMA!

SHKARKO APP

App Store
Google Play

Rama ironizon Bashën: Ndërkombëtarët do thonë meqë po qan Luli jepi biberonin

29 Mars 2019, 17:37, Aktualitet CNA

Kryeministri Edi Rama ka qenë ditën e sotme me qytetarët e Durrësit. Në takimin  ?Bashkia që duam?, Rama u ndal më tepër tek komenti i protestave të opozitës, ku nuk i kurseu aspak ironitë.

Ndërsa përsa i përket rikandidimit të kryebashkiakut Vangjush Dako, kryeministri vendosi që ta lejë enigmë, duke mos e konfirmuar.

?Ne jemi duke u përgatitur për zgjedhjet e 30 qershorit, do shkojmë për ato shumë gjëra që duhet të bëjmë. Përpara 4 vitesh ju kemi thënë do zgjidhet problemi i kanalizimeve dhe do jetë drejt zgjidhjes furnizimi me ujë dhe kjo ka ndodhur. Do transformojmë Porto Romanon në një park të ri.

Nuk diskutohet se janë një sërë projektesh të mira e kësaj bashkie falë Vangjushit që ka pasur projekte. Kështu që mos dëgjoni jo po do bëhen zgjedhje të parakohshme, jo po do shtyhen, jo po do vijnë ndërkombëtarët do thonë meqë po qan Luli jepi biberonin. I dhamë 15 biberonë para dy vitesh, ai prapë nuk rritet.

Le të rrijë në rrugë dhe të forcohet të bëhet gati më 2021. Se dëgjova dhe këtë juristin Bylykbashin jo nuk hyjmë në zgjedhje: Ti mos hy se i humbur del prapë. Ne do i bëjmë zgjedhjet si me ata, si pa ata. Sa herë ju ka rraf Dako kur e kishit ju qeverinë? Nicja ishte me ju, po kjo nuk na shqetëson. Nuk është detyra jonë të rrisim opozitën. Vazhdojmë rrugën përpara për Durrësin që duam?,- tha Rama, duke mos e rikandiduar Dakon në këtë takim. /CNA.al





Lajmet e fundit nga