Shënim/Çimi udhëheqësi që i duhet PD

24 Mars 2019, 13:35, Aktualitet CNA

Çim Peka, drejtuesi i portalit “Syri…”, sot, me një letër publike, i është përgjigjur kryeministrit Rama.

Një letër publike disi e gjatë, ku Çimi tregonte imoralitetin politik të Kryeministrit, tregonte se nuk kishte gjë personale me të, por thjesht politike. Ai kishte shkruar gjithçka si një lider i vërtetë.

Gjithashtu ai e falenderonte Edi Ramën që me bëmat e tij kishte bërë që portali t’i shkonte 500 mijë lexues në ditë.

Çimi në shkrimin e tij (kliko këtu) kishte artikuluar më shumë akuza ndaj Edi Ramës sesa Lulzim Basha në 6 vite. Dhe dukej se ishte një lider që i duhet PD, pasi sjelljen politike e kishte më të fortë, dhe dukej me i ditur se Basha, kjo e fundit ndoshta nga miqësia me Ilir Metën por dhe nga fakti që Çimi nuk duket të ketë kunat abuzues si Luli.

Çimi, në fakt, akuzonte dhe një ish deputet të PD se kishte bërë pazare me Ramën për kokën e tij dhe se ende pazaret për kokën e Çimit vazhdonin, por ai ishte i vendosur të qëndronte kundër Kryeministrit të korruptuar, por mund të jetë pro Lali Erit që e ka shumë, po shumë xhan, si kryebashkiak kuptohet.

Deri këtu Çimi sërish dukej si një lider i vërtetë për PD edhe kur mendon se ai ka Ilir Metën, ndërsa Luli vetëm Monikën, dhe atë se ka tamam se gjysma e partisë e ka braktisur dhe në PD nuk e shikon dot njeri me sy.

Por Çimi, përtej Ilir Metës, vëlla ka dhe presidentin. Pra e ka edhe personale edhe institucionale. Ndërsa me Ramën e ka institucionale jo personale. Pra duket sikur Çimi, lufton me Liken për Liken, kundër Ramës, jo me PD dhe demokratët kundër kryeministrit që e bleu Lulin të cilin e quante idiot dhe budalla, apo Liken, që e quante hajdut dhe kamikaz, kur nuk foli ca kohë.

Atëherë thoshin dhe që Çimi qante për vëllanë e tij, Ilir Meta, që po ja shtrengonte në gji Fahriu, edhe Nar Koka u çudit, si mundet që produkti Balliu, Çim Peka të vuante ashtu nga xhelozia. Por sot i gëzoi të gjithë, sot u soll si lider politik dhe udhëqës i PD.

Në fakt për të gjitha më sipër Çimi i duhet më shumë PD se Luli, por edhe për faktin se ka 500 mijë vetë nga pas, më shumë se Luli mori vota në 2017, ndoshta po të bashkohen vërtet do kenë edhe më shumë. Doktori duhet të mendojë ta zëvendësojë Lulin me Çimin ndryshe nuk duket të ketë fitore në sfond. Ose Luli të mbajë larg kunatin dhe afër Çimin.

Rama nuk e përmend kot Çimin, a thua iu dogj barku për mediat, jo jo ka hall se përballë ka një lider të vërtetë që vlen më shumë se Luli, por Çimi me Liken mund të hyjnë në zgjedhje, Luli me Monën jo. Çmimin e kanë ca të lartë, por kuptohet janë shefat e Lulit dhe Monës.

Pritet vetëm reagimi i ashpër i Gaz Bardhit dhe Desadës, për të zgjidhur problemin e sjelljes të Çimit si lider mbi Lulin, pasi Luli e ka Çlirimin e tij, ndërsa ky Çlirimi tjetër nuk ka konfirmim nga kunati./CNA.al