web counter
LEXO PA REKLAMA!

SHKARKO APP

App Store
Google Play

Shkarkimi i Ylli Dylgjerit/ Julian Deda: Sa mirë ta paskan bërë..!

18 Mars 2019, 19:33, Aktualitet CNA

Aktori Julian Deda në një postim në rrjetet sociale, ka reaguar ashpër për shkarkimin nga detyra të Ylli Dylgjerit, i cili mbante postin e drejtorit në Agjencinë e Trajtimit të Koncensioneve dhe PPP-ve.

Duke ironizuar heqjen nga puna të Dylgjerit, Deda thotë se një gjest i tillë është diktatorial.

Më tej shton se Kryeministri e ka privatizuar vendin dhe largon çdo njeri që nuk ka të njëjtën linjë mendimi si ai.

?Oh më në fund. E paskan shkarkuar nga puna Ylli Dylgjerin? Sa mirë ta paskan bërë more Ylli Dylgjeri, se vetë e ke kerkuar. Pse si kujtove ti, se mund të bësh çfarë të duash në këtë shtet? Ku kujton se je këtu ti, në Amerikë? Edhe të punosh në shtet, edhe të shkruash kundër udhëheqësit? Kujton ti se rroga jote paguhet nga taksat tona? Jo mor i poshtër. Diktatori e ka privatizuar shtetin, prandaj të heq nga puna si, kur dhe për ç’arsye të dojë. E ka kthyer shtetin në aktivitet privat, e ka biznes te tijin, prandaj të heq nga puna, sepse thotë “une i jap rrogën, ai me shan”. Në fakt ka të drejtë, sepse ai na jep edhe rrogën, edhe frymën, edhe jetën dhe siç na i jep, ka të drejtë edhe të na i marrë, të treja. Po po edhe jetën, sepse ai është dielli ynë.

Rroftë diktatori, poshtë armiqtë…!?,- shkruan Julian Deda. /CNA.al





Lajmet e fundit nga