web counter
LEXO PA REKLAMA!

SHKARKO APP

App Store
Google Play

Bie propaganda e qeverisë/ Tabaku: Rama tradhëtoi interesin kombëtar

13 Mars 2019, 17:57, Aktualitet CNA

Në një postim në rrjetet sociale, ish-deputetja Jorida Tabaku shkruan se kryeministri Rama ka futur krimin në parlament.

Më tej Tabaku shton se interesin kombëtar e tradhëtoi Rama kur dha me koncesion çdo cep të Shqipërisë.

Ish-deputetja u bën thirrje qytetarëve që të marrin pjesë në protestën e 16 shkurtit, për të rikthyer edhe njëherë shpresën.

?Propaganda e qeverisë ka rënë, perdja është grisur dhe sot parodia në kuvend tregoi se në fakt ai është thjesht parlamenti i krimit dhe nuk përfaqëson shqiptarët! Patericat e krimit nuk mund të përfaqësojnë opozitën dhe opozitarët.

Shqiptarët kanë 6 vite që janë tradhëtuar nga Rama. Interesin e shqiptareve e ka tradhëtuar Rama kur solli krimin në kuvend. Shqipërinë e braktisi Rama kur u ul gju më gju me krimin e organizuar.

Njeriu që rriti taksat e mbylli bizneset dhe njeriu që me paratë e shqiptarëve blen minutazhin në mediat ndërkombëtare. Interesin e shqiptarëve e tradhtoi Rama kur dha me koncesion çdo cep të Shqipërisë, kur miratoi ligje speciale dhe kur del në krahun e të fortit duke dhunuar të dobetin.

Interesin e shqiptarëve e tradhtoi Rama kur interesin për pushtet e vendos përpara interesit kombëtar. Tradhtari i vërtetë i shqiptarëve dhe aspiratës për integrimin në Europë dhe për një demokraci të vërtetë është njeriu që drogën, krimin dhe vjedhjen e zgjedhjeve e ka parimin e vërtetë me të cilin jeton!

Nuk ka më kohë Shqipëria për të humbur me Ramën! Nuk ka më kohë Shqipëria për eksperimente! Nuk kanë më kohë shqiptarët të dëgjojnë lajkat e atyre që i bëjnë fresk kryeministrit për një tender. Nuk kanë kohë shqiptarët të dëgjojnë lavdet për kryeministrin ne largim. Pasi ata meritojnë më shumë se tradhtarët dhe ato që i friken qeverisë.

Me 16 Mars për të rikthyer shpresën!?,- shkruan Tabaku. /CNA.al

 

 





Lajmet e fundit nga