E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

“Këtë tashmë e di edhe Basha”/ Gazetarja i “nxjerr bojën” Salianjit

12 Mars 2019, 08:12, Aktualitet CNA

Mbrëmjen e djeshme, ish-deputeti i Partisë Demokratike, Ervin Salianji tha në emisionin ?Open? se të gjithë institucionet janë përdorur nga kryeministri. Për më tepër sipas tij, selia e opozitës përgjohet nga ana e qeverisë non stop.

Saljani tha se ka materiale video dhe audio që e vërtetojnë këtë survejim ambjental.

Një nga këto video, për të cilat Salianji pretendon se vërteton atë që tha më sipër, e publikoi e mbrëmjen e djeshme.

Ndërkohë, në lidhje me këto pretendime të ish-deputetit demokrat ka reaguar gazetarja Zilie Feci, e cila në një postim në rrjetet sociale thekson se në fakt atë video mund ta bëjë kushdo që kalon në rrugë.

?Ervin Salianji është protagonisti tek i cili Partia Demokratike ka mbështetur aksionin e saj politik dhe shpresën e rikthimit në pushtet. Na hutoi fare me ?video-përgjimin? e publikuar në emisionin e ?Open?. Ishte një ?provë? e paparë e përgjimit policor ndaj kryetarit të Opozitës, paçka se aty u paraqit vetëm makina dhe asgjë më tepër. Dhe, në fakt atë video mund ta bëjë kushdo që kalon në rrugë, militant ose jo, polic ose jo, gazetar ose jo…?.

Ndërsa në lidhje me pretendimin se njësia operacionale e Policisë përgjon makinën e Bashës, gazetarja Feci shkruan se është si njëlloj sikur të thuash që qielli dhe toka ?puthen? një herë në ditë.

?Unë mendoj se Policia, apo çdo strukturë ligjzbatuese në këtë vend ka metoda më të sofistikuara për survejim dhe jo me një celular, aq më tepër në rrugë dhe aq më tepër në sytë e kalimtarëve. Mendoj se Policia nëse do të përgjojë Bashën, Ramën, Metën apo çdo qytetar në këtë vend me dhe pa faj, e ka mundësinë pa asnjë diskutim. Sepse, mund ta përgjojë në telefon, në pallatin e banimit, në sallat ku bëhen takime, apo konferenca e çdo ambient tjetër publik, por edhe privat.?-shkruan gazetarja.

Më tej, ajo thekoson se ajop që publikoi mbrëmë Salianji, vetëm video-përgjim nuk është. Sipas saj, ish-deputeti Salianji nuk ka asnjë turp të thotë gënjeshtra në publik dhe këtë tashmë e di edhe Basha.

?Nëse ky Salianji e konsideron ?video-përgjim? aty që u transmetua, më vjen keq ta them, por vetëm e tillë nuk është, aq më shumë, sikurse ai e tha të jetë ?survejim?. Salianji është nga ata politikanë për mendimin tim, që nuk ka asnjë turp të thotë gënjeshtra në publik. Ndoshta pak me vonesë, por edhe Lulzim Basha e ka kuptuar qartë këtë, që kur doli skandali me ?Babalen? ndaj nuk i ofroi asnjë post politik në Partinë Demokratike, kur kjo e fundit vetëm pak kohë më parë zhvilloi zgjedhjet e brendshme dhe zgjodhi sekretariatin.?-shkruan gazetarja.

Gjithashtu ajo rikthen në vëmendje edhe çështjen ?Babale?, ndërsa shkruan se ?Ky Salianji për fat të mirë është i ri në moshë, por me mendësi të vjetra politike, duke mos dhënë asnjë besim. Në fillim pata mendim të mirë për këtë djalë, por gjatë rrugës me ?Babale? më zhgënjeu dhe zhgënjimet e shuajnë mallin për ta parë në politikë dhe në poste të tjera në të ardhmen. Ashtu sikurse nuk besoj që në dosjen e Prokurorisë, siç tha Salianji janë edhe këto video. Nuk janë provë Salianj, më vjen keq! Herën tjetër na bind, për të mirën tënde së pari se së dyti për shqiptarët që duan një Shqipëri më të mirë.?/CNA.al