web counter
LEXO PA REKLAMA!

SHKARKO APP

Rama ia thotë copë Bashës/ "E nisët me himnin dhe përfunduat me birra"

9 Mars 2019, 11:10, Aktualitet CNA

Kryeministri Edi Rama nga Fieri i ka kujtuar kreut të PD-së Lulzim Basha, çadrën.

Ndërkohë që simpatizantë të PD kishin dalë në protestë, Rama, lëshoi alarmin se po përsëritet situata e 2017-ës, por vetëm me një ndryshim të vogël.

Sipas Ramës, PD në 2017 e nisi protestën me himnin para kryeministrisë dhe e përfunduan me birra në çadër.

“Iu dhamë çfarë kërkuan dhe tashmë janë rikthyer sërish nga e para. Jo në çadër, por rrugëve sërish nga e para”, ka thënë Rama.

Më tej Rama ka akuzuar Opozitën se po kërkon rikthimin pas, duke dëmtuar imazhin e vendit.

“Atje ku  ishim atje, ku duan të na kthejnë ata pas. Në Fier ka edhe demokratë dhe njerëz të zakonshëm që asnjëherë nuk e kanë vlerësuar PS-në, por jam i bindur që ata nuk kanë asnjë lidhje me atë 100 petritat e Saliut atje te kthesa, të cilët përfaqësojnë ekzakësisht dëshpërimin e madh të Saliut dhe çetës së tij që tani ka mbetur aty ku i takon rrugëve. Sikur la rrugët rrugëve e mori dhe e nxori PD-në rrugëve” ka thënë Rama, duke iu referuar edhe protestave të zhvilluar në Fier, dje dhe sot në mëngjes./CNA.al

 

 

 





Lajmet e fundit nga