web counter
LEXO PA REKLAMA!

SHKARKO APP

Protesta në Fier/ Arrestohen 4 persona, procedohen 41 të tjerë

9 Mars 2019, 09:05, Aktualitet CNA

Një ditë pas protestave në Fier, Policia e Shtetit bën të ditur se janë arrestuar në flagrancë katër persona, ndërsa 41 të tjerë janë proceduar penalisht, pasi sipas uniformave blu gjatë ditës së djeshme kanë marrë pjesë në grumbullime të paligjshme dhe kanë mbajtur të bllokuar rrugën duke penguar lëvizjen e lirë të mjeteve.

Të arrestuarit janë shtetasit:

– H.H, 59 vjeç, banues në Patos
– G.B, 56 vjeç, banues në Patos
– B.J, 56 vjeç, banues në Patos
– B.Xh, 56 vjeç, banues në Roskovec.

Janë proceduar në gjendje të lirë edhe 41 shtetas të tjerë për veprën penale “Organizimi dhe pjesëmarrja në grumbullime dhe manifestime të paligjshme”.

Vazhdon puna për identifikimin dhe vënien përpara përgjegjësisë ligjore edhe të personave të tjerë, të cilët kanë marrë pjesë në këto grumbullime të kundraligjshme.

Materialet i kaluan Prokurorisë pranë Gjykatës së Shkallës së Parë Fier për veprat penale “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit”.





Lajmet e fundit nga