E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Nga Gledis Ballauri/ Pse jam kundër TEC-it në Korçë

8 Mars 2019, 21:11, Aktualitet CNA

Dua ta filloj këtë shkrim për të thënë që jam kundër TERMOCENTRALIT në Korçë. Për shkak sepse kam mbështetur idenë e Korçës, qytetit ku dua të jetoj, kam vendosur të qëndroj dhe të investoj në këtë qytet, ndryshe nga shumë bashkëmoshatarë që ëndërrojnë të largohen, më pëlqen të jetoj dhe të kontribuoj në qytetin tim.

Në debatin e fundit që ka lindur në qytet për idetë pro edhe kundër, unë mendoj dhe besoj se asgjë e mirë nuk vjen prej tij. Besoj se Korça tashmë e ka marrë drejtimin e zhvillimit si rajon, besoj se Korça duhet të drejtojë resurset e saj në një zhvillim më modern ndaj agrobiznesit dhe turizmit. Korça për hir të së vërtetës në këto vite ka marrë një zhvillim mjaft pozitiv dhe kjo duhet avancuar.

Korça ka sot ujë 24 orë, për çudi akoma në shek e 21 quhet avantazh dhe jo detyrim. Korça ka numrin më të madh të vizitorëve në vit, ka hotele, restaurante , bujtina, që vështirë se i gjen me këto kushte në ndonjë vend tjetër në republikë. Korça ka shumë produkte bujqësore të një niveli cilësor. Ka industrinë e përpunimit ushqimor mjaft kompetitiv në tregun shqiptar. Kemi një klimë, që të gjithë na e kanë zili… Me ndërtimin e një TEC ne gradualisht i humbasim këto të gjitha deri në vdekje. Do humbasim, ajrin, temperaturat do të rriten min me 5 gradë. Do humbasim ujin.

Do humbasim vizitorët, se për shembull di ndonjëri turizëm të zhvilluar në Elbasan, apo Ballsh, apo Kuçovë apo Ptolemaidhë apo Kozan? Do humbasim toka të tëra që nuk do mbillen më… dhe ato pak industri që janë do të zhvendosen. Infrastruktura e vendit tonë nuk na mundëson standarte Gjermane apo Austriake për TEC. Shteti jonë ka probleme në përcaktimin dhe rruajtjen e standarteve. Ne mezi kemi institucione që kanë vetëm emrin për mbrojtjen e konsumatorit. Ne nuk kemi ku të ankohemi kur ikin dritat, kur nuk është doktori, kur ushqimi nuk është në parametrat e duhur…. dhe jo më të na garantohet ajri.

Unë besoj se të gjithë bashkë mundet ti themi JO një plani të tillë. Nuk besoj se Tec do sjellë industri dhe zgjerim tregu në Korçë. Në patëm industri dhe nuk e mirëmenaxhuam për brezat… tregu zgjerohet duke ofruar produkte me standarte. Ka shumë mënyra që të zgjidhet ngrohja në qytet, pa pasur impakt në mjedis. Ngrohja e përbashkët më duket pak utopi, ndërkohë që asnjë specialist mbështet këtë plan… Edhe nëse na e sjellin ujin e ngrohtë në dera duhen investime që jo të gjitha familjet do e përballojnë. Për të mirën e shoqërise dhe të brezave që do vijnë të mos lejojmë këtë TEC të ndërtohet edhe nëse na japin ngrohjen falas. Do na marrë jetët tona në vazhdimësi… /CNA.al