web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e fortë e zyrtarit të lartë të BE-së/ Opozita po minon integrimin

7 Mars 2019, 11:34, Aktualitet CNA

Zyrtari i BE Christian Danielsson nënvizoi se për të dalja nga kriza politike vjen vetëm nëpërmjet dialogut.

Pas takimit që ka zhvilluar me kryeministrin Edi Rama, kreun e Opozitës Lulzim Basha dhe me Këshillin e Emërimeve në Drejtësi, Christian Danielsson ka apeluar që të mos pengohet integrimi i Shqipërisë në BE.

“Udhëheqja e përgjegjshme është një trajektore që i duhet fatit të këtij vendi për  hapjen e negociatave. Në takimet e sotme kam qenë i qartë. Sa i përket opozitës kam theksuar se vendimi i Opozitës,  për të djegur mandatet rëndon në mënyrë serioze integrimin në BE”, ka thënë  .

Sipas tij, pasiguria duhej tejkaluar urgjentisht.

“Parlamenti është shtyllë e shtetit, aty ku diferencat politike diskutohen.  Duhen krijuar kushtet për një dialog konstruktiv në Kuvend. Bojkoti i Kuvendit është kundër produktiv dhe minon të ardhmen e Shqipërisë drejt BE-së”, është shprehur më tej Danielsson.

Ky i fundit është ndaluar edhe tek protestat duke nënvizuar se ato duhet të jenë paqësore.

“Protestat duhet të jenë të paqshme. Ata që janë përgjegjës të përmbahen dhe të mos shtyjnë për dhunë. Nxitja e dhunës është shqetësim i madh për ne”, ka thënë zyrtari i lartë i BE-së.

Danielsson ka hedhur dritë edhe mbi takimin me anëtarët e KED.

Ai ka kërkuar prej tyre që të jenë të pavarur, të paanshëm dhe ti ruajnë këto virtyte./CNA.al





Lajmet e fundit nga