web counter
LEXO PA REKLAMA!

SHKARKO APP

App Store
Google Play

E fundit!

x

Triumfon Tahiri/ Gjykata i jep të drejtë

7 Mars 2019, 09:45, Aktualitet CNA

Avokati i Saimir Tahirit, Maks Haxhia, në një prononcim për mediat, bëri të ditur se Gjykata e Apelit  të Krimeve të Rënda ka rrëzuar kërkesën e e Prokurorisë për prishje të vendimit të gjykatës së shkallës së parë, duke lënë në fuqi vendimin për moszgjatje të hetimit ndaj ish-Ministrit të Brendshëm.

Duke folur pas seancës, avokati Haxhia tha se Prokuroria është kontradiktore në këtë çështje.

I pyetur nëse është njohur me prova të reja nga organi i akuzës siç është fokur në media, ai tha: “Kemi marrë fashikujt e përgatitur nga prokuroria që do ti çohen gjykatës dhe do ti gjykojë gjykatësi i seancës paraprake për të vlerësuar nëse çështja do të shkojë në gjyq apo do të pushohet”.

Gjithashtu ai deklaroi se “Do ti parashtrojmë gjykatës të gjithë rrethanat që ka materiali. Është një material që nuk ka asnjë bazë ku mbështet kërkesa e prokurorisë.Ëshë absurditet pretendimi që ka prokuroria asa nën mangë, gjë që jo vetëm nuk lejohet proceduralisht por të jeni të sigurt që nuk ka”.

Avokati i Tahirit tha se do të kërkojë në seancën paraprake pushimin e çështjes për klientin e  tij, por në rast se shkon në gjyq, ai tha se nuk do kërkojnë gjykim të shkurtuar.

“Jo, absolutisht. Është një temë që do e diskutojmë. Por derisa ne mohojmë çdo gjë, pretendojmë dhe kërkojmë të na jepet një fakt kriminal ku është implikuar zoti Tahiri, si mund të kërkojmë gjykim të shkurtuar?”-tha Maks Haxhia./CNA.al





Lajmet e fundit nga