E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shkarkimi i prokurores Sevdari/ Gazetari "dush të ftohtë" KPA-së

4 Mars 2019, 14:52, Aktualitet CNA

Shkarkimi i prokurores Antonte Sevdari ka shkaktuar reagime edhe në rrethin e gazetarëve, të cilët kanë ndjekur nga afër punën e Prokurorisë.

Njëri prej tyre është gazetari Arsen Rusta, i cili ka radhitur edhe arsyet se përse nuk duhej shkarkuar Sevdari.

Sipas Rustës, KPA gaboi në rastin Sevdari.

“Kur shteti të flak në rrugë!

Shumë kanë komentuar heshtjen time në lidhje me shkarkimin e prokurores Antoneta Sevdari.

Heshtje, e cila nuk ndryshon dot faktin, por të paktën vendos nëse je në anën e drejtë apo të gabuar.

Heshta pasi s’kisha ende një dokument se ku kish gabuar Antoneta ose prokurore Neta, por kur lexova vendimin e kolegjit te apelimit, më duhet të them: KPA gaboi pasi u soll si ajo nusja që pas 1 muaj kërkon të nxjerr nga shtëpia të zotët dhe të përbuz vjehrrin e vjehrrën e shtepinë ku nusëron!

Znj.Sevdari i kërkohet llogari për 15 vite më parë kur bashkëshorti i saj ishte emigrant, s’jam i sigurt në qoftë se 15 vite më parë ata do jenë njohur e punuar me parashikimin se një ditë do i thonin keni deklarim të pamjaftueshëm”, ka shkruar gazetari.

Më tej ai ka ndarë me publikun një detaj personal që ndërlidhet me rikonfirmimin në detyrë të prokurores Antoneta Sevdari nga KPK.

“Në fakt, po ndaj një detaj personal. Znj.Sevdari ditën që kaloi Vettingun kishte zgjedhur ta ndante gëzimin me familjen e saj, fëmijët e bashkëshortin, rastisa dhe unë atë mbrëmje me familjen time.

Tryeza e tyre ishte një piceri në kryeqytet ku çmimi është 500 deri 700 lekë një picë. Shumë të tjerë të certifikuar kanë festuar edhe me shampanjë apo jashtë vendit, ndaj KPA më e pakta Vettingu ka tre kollona, ka të shkuar e të ardhme.

Znj.Sevdari i kurseu me Cez – Dia nja 140 milionë euro Shqipërisë e tani, si ai polici që perballet me kriminelin flakët në rrugë”, ka shkruar ndër të tjera Rusta.

Sipas të njëtit, ky vendim i KPA mund të bjerë në Strasburh, por çfarë vlere do të ketë.

Më tej gazetari ka zbuluar se cili nga anëtarët e KPA ka qenë kundër shkarkimit të Sevdarit”.

“Gabove KPA, me siguri po e ndoshta në Strasburg ky vendim do bjerë, por ç’vlerë ka. Ju sot e lënduat nje prokurore, ku gjithkush ose 80 % e aktorëve dhe faktorëve e vlerësonte.

Fundja kur shoh votimin e trupës me 5 anëtarë më vjen të them. Në qoftë se doni vërtet të bëni rivlerësim të besueshëm, pyesni Silvia Kontin ose ish-kryeprokuroren Ina Rama, e cila me voten e saj kundër ju ka treguar se keni gabuar!”, ka përfunduar Rusta./CNA.al