E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Komisionerët Publik përfshihen në skandal/ Mbrojnë Donika Prelën nga shkarkimi?

4 Mars 2019, 13:02, Aktualitet CNA

Institucioni i Komisionerëve Publik që nga fillimi i procesit të Vettingut dhe deri më tani ka ankimuar pranë Kolegjit të Posaçëm të Apelimit, 19 subjekte që janë rikonfirmuar në detyrë nga Komisioni i Pavarur i Kualifikimit.

IKP i ka bërë ankimimet me argumentin se nuk është bërë hetim i thelluar nga KPK.

Por, duket se jo vetëm KPK praktikon dy standarte në procesin e Vettingut por edhe Komisionerët Publik.

Faktet janë të gjalla dhe janë parë e dëgjuar nga i gjithë opinioni publik.

CNA.al po sjell më poshtë faktet se si edhe Komisioneri Publik procedon me dy standarte.

Prokurorja Antoneta Sevdari u rikonfirmua në detyrë nga KPK me 18 korrik 2018, por Komisioneri Publik e ankimoi vendimin e KPK me arsyetimin se nuk është bërë një hetim i thelluar.

Çështja kaloi tek Kolegji i Posaçëm i Apelimit dhe ky i fundit vendosi që të shkarkojë prokuroren Antoneta Sevdari, e cila njëherësh ishte dhe anëtare e Këshillit të Lartë të Prokurorisë.

Sevdari u shkarkua, për shkak se nuk ka paraqitur dokumentet për pagim tatimesh për të ardhurat e bashkëshortit si emigrant në Greqi dhe puna në Arabinë Saudite.

Deri këtu s’ka asgjë te keqe, është konstatuar një problem dhe është vendosur.

Por ajo çfarë firmos dy standartet e Vettingut është se për një tjetër rast të njëjtë nuk ka pasur asnjë lloj ankese.

Tani, ose Komisionerët Publik janë të korruptuar, ose qëllimisht po i mbyllin sytë, për rastin e drejtueses së përkohshme të Prokurorisë së Krimeve të Rënda, Donika Prela.

Prela me të njëjtat shkelje si Sevdari

Donika Prela u rikonfirmua në detyrë nga KPK-ja me 5 shkurt 2019, edhe pas problemeve që iu konstatuan me pasurinë.

Njëjtë si bashkëshorti i prokurores Sevdari edhe bashkëshorti i Prelës rezultoi se nuk ka paguar detyrimet tatimore.

KPK kishte konstatuar se bashkëshorti i zonjës Prela, Vangjel Prela prej 2003 deri në 2011 kishte marrë pagesën nga një kompani ndërtimi cash duke shmangur pagesën e sigurimeve shoqërore dhe tatimet.

“Të ardhurat e bashkëshortit janë si inxhinier në kompani private ndërtimi si dhe në disa institucione shtetërore. Për vitet 2003-2005 bashkëshorti nuk ka pasur një kontratë punë. Pagesa është bërë cash, po për to nuk janë paguar sigurime shoqërore dhe tatime. Për vitin 2006 ekziston një kontratë. Paga është paguar cash, për vitin 2007 pjesërisht përmes bankës. Pagat 2006-07-08 rezultojnë pjesërisht të paguara në tatime dhe ISSH. Paga për vitin 2010-11 janë paguar cash. Nuk janë paguar tatime dhe kontribute shoqërore”, thuhet në raportin e KPK-së.

Gjithashtu nga KPK u mësua se Prela ka një apartament banimi 95.6m2 regjistruar në hipotekë në 2012 me emër të Vangjel Prelës (burri) blerë me kontratë porosie në 2007. Shitësi është Bruçi shpk. Vlera e blerjes 32.100 mijë euro. Çmimi për m2 rezulton më i ulët me vlerën e tregut. “Kemi marrë info nga hipoteka Tiranë, ku nga çmimi referencës rezulton 82 mije lekë për m2. Ka tokë arë në Petrelë 1000m blerë për 350 mijë lekë. Tokë bujqësore e blerë nga M.D e L.D. Kjo vlerë ishte me e ulët se vlera e tregut”, ka konstatuar KPK.

Në këto rrethana, skandali thellohet nga Komisionerët Publikë, të cilët deri më tani nuk kanë reaguar./CNA.al