web counter
LEXO PA REKLAMA!

SHKARKO APP

App Store
Google Play

Rrjedhje në LSI/ Kandidati i Elbasanit pranon mandatin

1 Mars 2019, 09:03, Aktualitet CNA

Komisioni Qendror i Zgjedhjeve, dy ditë më parë njoftoi me postë të 57 kandidatët nga listat e PD dhe LSI, të dorëzojnë formularët e vetdeklarimit. Këtë hap KQZ e ndërmori pas dorëheqjes së anëtarëve të opozitës, të cilët ishin pjesë e Parlamentit dhe pas krijimit të vakancave.

Ndërkohë, CNA.al ka mësuar se LSI-ja, po përballet me ?rrjedhje? kandidatësh.

Burime për CNA.al bëjnë të ditur se kandidati i LSI-së në Elbasan, i cili ishte në listë pritëse, Enver Roshi ka pranuar mandatin.

Të njëtat burime saktësojnë për CNA.al se Roshi sapo ka dorëzuar formularin e vetdeklarimit në KQZ.

Kujtojmë këtu se edhe katër deputetë të tjerë, nga PD dhe LSI nuk i kanë dorëzuar ende mandatet, përkatësisht Lefter Koka dhe Robert Bitri, Myslim Murrizi dhe Rudina Hajdari, të cilët së bashku me Enver Roshin e cojnë në 82 numrin aktual të deputetëve në parlament.

Por, nga ana tjetër edhe PD po has probleme në qarqe. Një ditë më parë CNA.al raportoi se rreth 15 kandidatë të PD-së, që janë në listat pritëse, nuk pranojnë të dorëzojnë dorëheqjen dhe me shumë gjasa pritet që të dorëzojnë formularin në KQZ dhe të marrin mandatin e deputetit.

Kjo do të conte në krijimin e një opozite të re, dhe numri i deputetëve në Parlament do të arrinte në rreth 95, nga 140 vende që janë në total./ CNA.al

Grupi i ri parlamentar i opozitës/ Zbulohen ?tradhëtarët? e Bashës





Lajmet e fundit nga