E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shqipëria në ekranin e TG2/Rama shmang polemikën me Berishën

28 Shkurt 2019, 22:42, Aktualitet CNA

Situata që zotëron”Vendin e shqiponjave” (Il paese di aquile, siç e thërasin italianët), ka qenë mbrëmjen e sotme pjesë e emisionit “TG2 Post”, ku si temë ka qenë “Rikthimi i të shkuarës”.

Emisioni ka marrë shkak nisur nga situata e rënduar politike që sundon, gjë që ka ngritur pyetjen nëse janë ngjarjet e fundit një rikthim në të shkuarën e dhimbëshme të viteve ’90, kur si pasojë mijërat e refugjatëve sulmuan brigjet italiane e më tej.

Të ftuar në “TG 2”, përveç Massimo D’Alemës, ish kryeministër dhe ministër i Jashtëm, ishin dhe gazetar-shkrimtarit, Alberto Negri. Por pjesë e emisionit u bën dhe kryeministri Edi Rama si dhe paraardhësi i tij Sali Berisha.

Në komentim të fotove që tregonin refugjatët e viteve ’90 teksa kishin mbushur anijet e ikjes, D’Alema, pyetjes së moderatores: nëse është e njejta situatë edhe sot, iu përgjigj duke mohuar.

“Situata nuk është e njejtë me ato të viteve ’90. Ka ndryshuar shumë. Delegacioni i PE sot është në TR për të përgatitur hyrjen e Shqipërisë në BE. Jo, jo gjerat nuk janë si atëherë…”,- ka komentuar D’Alema.

Ndërkohë, kryeministri Rama, nëpërmjet linjës telefonike, pohoi se ndjehej keq nga këto foto dhe…

” Më vjen shume keq. Ndjehem keq nga fotot e shfaqura, por Shqipëria e sotme nuk është e tilla. Është një situatë e ndryshme, një qeverisje tërësisht e ndryshme…Nëse them se situata e korrupsionit nuk ekziston nuk them të vërtetën. Situata është e tillë që diktoi Reformën në Drejtësi, sipas direktivës së SHBA dhe Bashkimit Europian…”.-komentoi Rama.

Dhe ndërsa gazetari Negri përmendi se problemet më të mëdha me të cilin përballet Shqipëria janë trafiku i lendëve narkotike, korrupsioni dhe emigracioni masiv…, ish kryeministri Berisha tha se situata e rendë politike ka ardhur si pasojë e kapjes së shtetit nga narkotrafiku që dikton qeverisjen. Përmbysja e situatës së rendë, tha Berisha, bëhet vetëm me revolucionin, që opozita sapo e ka nisur e që do të triumfojë.

Menjëherë pas akuzave të Berishës, moderatorja i drejtoi linjën Edi Ramës, i cili nuk replikoi me Berishën, por e përmbylli komentin duke thenë:

“Përgjigjen për narkotrafikun e ka dhenë Guardia di Financia… Jeta shkon përpara dhe ne vijojmë ecjen për në Europë…”.

“Shqipëria është në rrugën e duhur për tiu bashkuar Komunitetit Europian…”,-qenë fjalët mbyllëse të Massimo D’Alemës./ CNA.al

http://www.tg2.rai.it/dl/RaiTV/programmi/media/ContentItem- . . .