web counter
LEXO PA REKLAMA!

SHKARKO APP

App Store
Google Play

E fundit!

x

Tredhja e Ministrisë së Drejtësisë ndaj Përmbarimit Privat/ Korrupsion, e qëllimshme apo papërgjegjshmëri?

28 Shkurt 2019, 15:42, Aktualitet CNA

Një udhëzim  i përbashkët mes Ministrisë së Drejtësisë dhe asaj të Financave ka sjellë një ulje të tarifave për shërbimet e ofruara nga shërbimi përmbarimor gjyqësor privat.

Krahasuar me vendimin e mëparshëm të Qershorit 2017, tarifat janë ulur për të gjithë vlerat e detyrimit. Nëse më parë tarifa fikse niste nga 15 mijë lekë, tashmë ajo nis nga 6 mijë lekë dhe rritet në bazë të vlerës së detyrimit.

Ndërkohë zbritje ka dhe për tarifat që aplikohen si përqindje, ku do të aplikohet një maksimum prej 2.5 milionë lekësh, krahasuar me maksimumin prej 15 milionë lekësh më parë.

Por, Shoqata e përmbaruesve ka reaguar duke kundërshtuar zvogëlimin e tarfifave.

Për më tepër ata i janë drejtuar sistemit gjyqësor dhe Gjykata Administrative e Apelit me anë të vendimit Nr. 211 të datës 17.12.2018, vendosi pro zbatimit të Urdhrit të Përbashkët ndërministror, duke refuzuar kështu kërkesën e tyre.

Edhe pas këtij vendimi, Shoqata e Përmbaruesve Privat, del me direktiva të cilat bien ndesh me legjislacionin në fuqi dhe praktikat juridike.

Pavërësisht se janë krijuar këto rrethana, Ministria e Drejtësisë hesht edhe pse është vënë në dijeni me anë të një letre nga Shoqata Shqiptare e Bankave.

Ministria e drejtësisë duhet të mbajë përgjegjësi për aktet ligjore që nxjerr, ose ndryshe duhet të pranojë që është e varur nga korrupsioni.

Udhëzimi dhe zmbrapsja e Ministrisë së Drejtësisë

Udhëzimi i përbashkët ndërministror, Nr 30, datë 30.8.2018, për disa ndryshime në udhëzimin e përbashkët nr. 385/7, datë 28.6.2017, ?Për caktimin e tarifave për shërbimet e ofruara nga shërbimi përmbarimor gjyqësor privat”, të Ministrit të Drejtësisë dhe Ministrit të Financave, mund të quhet pa ndrojë dhe pa asnjë kompleks si ndër përpjekjet e pakëta të kësaj Qeverie për t?u sjellë si racionale ndaj qytetarëve të saj taksapagues.

Qëllimi dhe përmbajtja e këtij Udhëzimi është në fakt një rishikim i tarifave të shërbimit përmbarimor, me synim uljen e tyre, për të lehtësuar barrën e taksave dhe tarifave që subjektet dhe individët do të duhej të përballojnë në ekzekutimin e çështjeve gjyqësore.

Pavarësisht qasjes pozitive, vjen menjëherë (dhe e drejtë kushtetuese kjo) edhe reagimi i shoqatës, e cila me të drejtë kundërshton zvogëlimin e thelës dhe të tepsisë.

Kundërshti të tilla i ndan sistemi gjyqësor me institucionet që ka ngritur pikërisht për këto lloj situatash, konkretisht Gjykata e Apelit Administrativ, vendimi i të cilës është pro zbatimit të Urdhrit të Përbashkët ndërministror.

Pavarësisht dhe me një karshillëk për t?u admiruar, Dhoma e Përmbaruesve Privat Gjyqësorë, del me direktiva të cilat bien ndesh me legjislacionin në fuqi dhe praktikat juridike, madje-madje edhe me vendimin e Kolegjit të Gjykatës së Apelit Administrativ.

Për këtë çështje, hedh dritë edhe më shumë opinioni i një studioje ligjore ku shprehimisht thuhet:

Sipas opinionit ligjor mosmarrëveshje administrative gjykohen brenda një afati shumë të shpejtë dhe efektiv po ashtu edhe ekzekutimi i vendimit. Vendimet e Gjykatës Administrative të Apelit janë të formës së prerë. Kur Gjykata e Apelit Administrativ gjykon si shkallë e parë e gjykimit për rëndësinë që paraqesin aktet normative që cënojnë grupe interesash dhe si një garanci më tepër, dhe kuptohet që do të zbatojë të gjitha normat proceduriale të gjykimit në shkallë të parë. Gjykon si shkallë e parë në kuptimin hierarkik dhe është e palogjikshme dhe e pabazuar në ligj që Gjykata e Lartë më pas të gjykojë si shkallë e dytë (si Apeli administrativ, kjo nuk është e parashikuar në ligj bazuar në kompetencat e Gjykatës së Lartë). Gjykata e Lartë do të gjykojë si e tillë sipas kompetencave që i ka dhënë ligji dhe jo si gjykatë e shkallës së dytë.

Në këto kushte, ky opinion ligjor hedh poshtë interpretimin e Dhomës Kombëtare të Përmbaruesve Gjyqësore Private se: ?Gjykata e Lartë gjykon si shkallë e dytë dhe për sa kohë nuk është shqyrtuar ankimi ende, vendimi i Gjykatës së Apelit nuk është i formës së prerë dhe masa e sigurimit të padisë do të qëndrojë”.

Në konkluzion , opinioni Ligjor vlerëson se: ?vendimi i Gjykatës së Apelit është i formës së prerë dhe masa e sigurimit të padisë nuk është m në fuqi? gjithashtu ?Akti i nxjerrë nga Dhoma është i pavlefshëm, pasi ka marrë kompetenca jashtë ligjit?.

Sërish, Ministria e Drejtësisë si gardian i institucioneve, të varura dhe të pavarura të shërbimeve përmbaruese, nuk reagon aspak, ose edhe kur reagon, shpall falimentin.  Zmbrapsja e Ministrisë së Drejtësisë është dorëzim pa kushte, duke braktisur interesin publik dhe tagrat institucionale ndaj interesave të ngushta private dhe jetimizuar interesin e të gjithë ekonomisë shqiptare, madje edhe kundër rekomandimeve të Bankës Botërore./CNA.al

Udhëzim_30_30.08.2018 (1)

GJYKATA ADMINISTRATIVE E APELIT NR. 2098 PROT. 4.1.2019 (pa firme dhe pa vule) (1)

Pergjigja e MD Janar 20190001 (1)





Lajmet e fundit nga