web counter
LEXO PA REKLAMA!

SHKARKO APP

App Store
Google Play

E fundit!

x

Asnjë kusht i plotësuar/ Spaho: Negociatat nuk do të hapen

28 Shkurt 2019, 17:28, Aktualitet CNA

Ish deputeti i Partisë Demokratike, Edmond Spaho, gjatë fjalës së tij në studion e ?ABC News? tha se nuk është plotësuar asnjë kusht për hapjen  e negociatave për anëtarësimin në BE të Shqipërisë.

?Na thonë mos e ngrini zërin se do hapen negociatat. Negociatat nuk do hapen se e dinë shumë mirë ata, nuk është vetëm Parlamenti Europian, është Komisioni. Negociatat do hapen vetëm nëse plotësohen kushtet, më thoni një kusht që është plotësuar.

Kryesorja është çfarë mendojnë qytetarët shqiptarë, dhe me tre protesta ata tregojnë që mendojnë si opozita. Nëse vazhdohet kështu do kalohet në situata edhe më të vështira, kështu që i bëj thirrje të gjithë të qartësohen, t?i lënë interesat, sepse një pjesë mund të mos jenë të informuar, sepse propaganda e qeverisë është aq e madhe sa që kontrollon të gjitha mediat?, tha Spaho.

Përsa i përket qëndrimeve të ndërkombëtarëve kundrejt veprimeve ekstreme të Partisë Demokratike, Spahu u shpreh se tashmë do të dëgjohen qytetarët, dhe nëse qeveria nuk merr masa protestat do të përshkallëzohen.

?Le të gjenden format, le ta negociojnë ndërkombëtarët, ne nuk do hyjmë si PD në qeveri tranzitore, mjafton të garantohen zgjedhje të lira. PD do të dalë nga fitorja në zgjedhje. Me të vërtetë, bekimin e ndërkombëtarëve nuk e ka, pavarësisht çfarë thonë disa deputetë të PE-së. Për ne ka rëndësi çfarë mendojnë shqiptarët. Ata që kanë sy dhe vesh është mirë të shikojnë dhe dëgjojnë.

Atje ku s?ka demokraci, ne nuk menaxhojmë zemërimin e qytetarëve. Nëse qeveria do të vazhdojë në rrugën e konfrontimit, zemërimi i qytetarëve do të përshkallëzohet?, tha Spaho./ CNA.al





Lajmet e fundit nga