web counter
LEXO PA REKLAMA!

SHKARKO APP

App Store
Google Play

E fundit!

x

Dosja "339"/ Vangjush Dako reagon për CNA.al

26 Shkurt 2019, 09:59, Aktualitet CNA

Dosja “339”, është kthyer në kryefjalën e politikës. Nga njëra anë është Opozita që thotë se “peshku i madh” i kësaj dosjeje është kryebashkiaku i Durrësit Vangjush Dako.

Një natë më parë në emisionin Opinion, zëdhënësi i Prokurorisë së Përgjithshme Denion Ndrenika, tha se  Vangjush Dako nuk është person nën hetim për dosjen ?339?.

?Vazhdojnë hetimet me ritme të përshpejtuara. Fakti që personi nuk është nën hetim nuk do të thotë që nuk po hetohet veprimtaria e tij. Po hetohet veprimtaria e tij dhe e shumë personave të tjerë?, deklaroi Ndrenika.

CNA.al ka kontaktuar kreun e Bashkisë së Durrësit, Vangjush Dako, për të pasur dhe një qëndrim prej tij, në lidhje me akuzat që lëshohen drejt tij, ndërkohë që nga Prokuroria, zyrtarisht thuhet se vetë  ai nuk është nën hetim.

“A iu kanë thirrur z.Dako ndonjëherë në Prokurori për këtë çështje? Kush mendoni se po fshihet pas akuzave ndaj jush?”, kanë qenë disa nga pyetjet dërguar kryebashikut të Durrësit.

Dako, nuk ka dashur t’i komentojë me arsyetimin se ka thënë çfarë ka pasur të thënë.

“Nuk kam koment. Në të gjitha pyetjet jam përgjigjur edhe më herët”, ka thënë qetësisht Dako, duke lënë të kuptohet se të gjitha akuzat i konsideron politike dhe se është i gatshëm të përballet me drejtësinë.

Kujtojmë  se më herët kryebashkiaku Vangjush Dako është përplasur në distancë me kreun e PD, Lulzim Basha, në lidhje me akuzat për blerje votash.

Në dhjetor 2018, Dako me anë të një postimi në rrjetet sociale, iu kundërpërgjigj ashpër Bashës.

“Ti duhet ta kuptosh që s?ke vota o Lulzim dhe s?ta kam fajin as unë, as durrsakët, as shijaksit as krutanët. Nuk ke votë! Je një peshk rezervati që nuk hahesh dot dhe hidhu përpjetë sa të dush me kaseta me telefonata e me sajesa vemjesh. Mua më besojnë se ju hap telefonin të gjithëve dhe s?i kam duart as me gjak, as me zhul eurosh si puna jote! Ti vazhdo dil e shpif përditë jo krimi, jo droga, jo leku jo byreku, se ka ardh koha t?i marr edhe ca lekë unë nga thesi që të mban kunati ty. Do shihemi në gjyq bashkë ose në fakt jo, se ti merr raport mjekësor kur të thërret gjykata. Toç!?, shkruante Dako në rrjete sociale./CNA.al





Lajmet e fundit nga