web counter
LEXO PA REKLAMA!

SHKARKO APP

App Store
Google Play

Mandatet e opozitës/ KQZ bën njoftimin e rëndësishëm 

26 Shkurt 2019, 09:48, Aktualitet CNA

Vetëm një ditë pasi Kuvendi i ka kthyer përgjigje KQZ-së,  duke specifikuar në shkresa përkatëse për të gjithë deputetët e dorëhequr krijimin e vakancës, ka ardhur një tjetër reagim.

Në një deklaratë për mediat, zëdhënësja e KQZ-së, Drilona Hoxhaj bëri të ditur se në KQZ ka mberritur  kërkesa për plotesimin e vakancave për 57 deputetët e dorëhequr dhe se po vijojnë procedurat ligjore sipas Kodit Zgjedhor.

“Në KQZ mbërritur kërkesa e Kuvendit të Shqipërisë për plotësimin e vendeve vakante për 57 deputetë të dorëhequr.

KQZ konfirmon vijimin e procedurave të mëtejshme në zbatim të nenit 164 të Kodit Zgjedhor.”-tha Hoxhaj.

Gjithashtu ajo bëri të ditur se për vakancat e krijuara do të njoftohen kandidatët që janë në listë pritëse dhe se kandidatët kanë 10 ditë afat për të dorëzuar formularët e vetdeklarimit.

“Ligji i kërkon KQZ-së që të kontaktojë kandidatët e listave respektive sipas radhës dhe t?u kërkojë atyre plotësimin e formularit të vetëdeklarimit pa të cilin nuk mund të marrin vertëtimin e zgjedhjes. Kandidatët e listës shumemërore kanë afat 10 ditë për dorëzimin e formularit të vetëdeklarimit.

Pas verifikimit dhe shqyrtimit nga Administrata e KQZ-së zëvëndësimet e vakancave të krijuara, do të kalojnë në mbledhjet publike të KQZ-së.

Komisioni Qendor i Zgjedhjeve garanton se do të zbatojë ligjin me rigorozitet.”-deklaroi Drilona Hoxha.

 





Lajmet e fundit nga