web counter
LEXO PA REKLAMA!

SHKARKO APP

App Store
Google Play

E fundit!

x

Djegia e mandateve/ OSBE “shuplakë” opozitës

20 Shkurt 2019, 17:37, Aktualitet CNA

Ditën e sotme në një deklaratë për mediat OSBE  ka reaguar lidhur me zhvillimet politike.  Ajo i qëndron të njëjtës linjë  që ndoqi edhe Ambasada e Shteteve të Bashkuara  dhe BE një ditë më parë.

Duke iu përmbajtur thelbit të deklaratave të këtyre të fundit, edhe OSBE theksion se djegia e mandateve nga deputetët e opozitës minon procesin demokratik.  Gjithashtu ajo i privon të drejtën qytetarëve që të kenë përfaqësuesit e tyre në parlament.

OSBE-ja kërkon që të  mos ndërmerret asnjë veprim që trondit themelet e demokracisë.

Deklarata e plotë e OSBE-së:

Vendimi i deputetëve të opozitës për t?u dorëhequr nga Kuvendi minon procesin demokratik ligjvënës dhe përbën një heqje dorë nga përgjegjësia e tyre për të përfaqësuar qytetarët që i kanë votuar. Reformat thelbësore dhe gjerësisht të mbështetura po vonohen. Prezenca e OSBE-së këshillon fuqishëm që të mos ndërmerret asnjë përpjekje për të tronditur themelet e demokracisë përmes dhunës, që të mos ndryshohet procesi demokratik përmes presionit jodemokratik. Ata që mundësojnë dhe nxisin dhunën do të mbajnë përgjegjësi. Na vjen keq që paralajmërimet e kaq shumë miqve dhe partnerëve afatgjatë të Shqipërisë nuk u dëgjuan. Bazuar në përkrahjen tonë të kahershme për Shqipërinë, ne bëjmë thirrje për sjellje të përgjegjshme dhe për rifillim të procesit demokratik në Kuvend, një nga arritjet e Shqipërisë demokratike moderne. Shqipëria ka bërë përparim domethënës përgjatë dy dhjetëvjeçarëve të fundit, në fushën politike, ekonomike dhe shoqërore, duke lënë pas autoritarizmin. Ky përparim duhet të vijojë për të mirën e të gjithë qytetarëve shqiptarë dhe jo të përmbyset në dobi të një grushti dhunuesish./CNA.AL

 





Lajmet e fundit nga