web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhje të parakohshme?/ Rama i përgjigjet Bashës

18 Shkurt 2019, 08:06, Aktualitet CNA

Pas vendimit të papritur të kreut të PD, Lulzim Basha i cili tha se do ti propozonte grupit parlamentar djegien e mandateve të deputetëve, ka reaguar për herë të parë kryeministri Rama.

Kreu i qeverisë, në një intervistë për median italiane Corriere Della Sera, thotë se nuk ka ndërmend të japë dorëheqjen dhe as ta çojë vendin drejt zgjedhjeve të parakoshme.

Rama thotë se Kuvendi i ka shumicën e garantuar, dhe se përfaqësuesit e mazhorancës janë të zgjedhur nga vota popullore.

I pyetur për kërkesën e opozitës për largimin nga qeveria Rama përgjigjet: “As nuk e çoj ndërmend. Kam një mandat të qartë nga populli, kemi një mazhorancë në Parlament dhe në fund unë kam detyrimin përballë bashkëkombësve të mi. Nuk jam i detyruar të ndjek kërkesat e minorancës parlamentare. I vetmi detyrim është kontrata me popullin shqiptar,që na ka dhënë votën për të qeverisur”

Kreu i qeverisë komenton edhe protestën e opozitës, kur thotë se e vetmja gjë që solli ishte “një imazh negativ i Shqipërisë me një dhunë absurde, por me një rezultat zhgënjyes. E vetmja pasojë konkrete ishte shkatërrimi i një vepre arti, kërpudhës në Kryeministri”.

 

Gjithashtu Rama pranoi se në Shqipëri ka korrupsion, ashtu si ekzistojnë gjykime të drejtuara nen pranine e ryshfeteve, ka pakenaqesi te te rinjve dhe trafik droge.

?Por qeveria ime po bën atë që askush tjetër nuk ka pasur guximin të bëjë për të eliminuar këto sëmundje nga shoqëria. Qe në Shqipëri ka korrupsion është jashtë diskutimit. Dhe është një problem. Por mund të them gjithashtu se kjo qeveri po bën çmos për ta zhdukur atë.”-tha Rama.

Gjatë protestës së të shtunës para Kryeministrisë, opozita kërkoi dorëheqjen e Ramës dhe krijimin e një qeverie tranzitore, që sipas tyre do të përgatisë zgjedhje të lira, që do ti hapin vendit rrugën e integrimit drejt BE-së./ CNA.al





Lajmet e fundit nga