web counter
LEXO PA REKLAMA!

SHKARKO APP

App Store
Google Play

Sulmi ndaj Kryeministrisë/ Ndërkombëtarët thirrje opozitës

16 Shkurt 2019, 12:09, Aktualitet CNA

Ambasada e Shteteve të Bashkuara të Amerikës dhe ajo Britanike në Tiranë kanë bërë thirrje për protesta paqësore.

Në një reagim në rrjetet sociale, Ambasada amerikane ka dënuar dhunën e ushtruar nga protestuesit.

?Ambasada e Shteteve të Bashkuara dënon me forcë dhunën dhe shkatërrimin që ndodhën gjatë protestave të sotme në Tiranë. Mbështesim të drejtën e qytetarëve për të protestuar paqësisht, por dëmtimi i pronës publike dhe dhuna nuk janë të pranueshme.?-thuhet në postim.

Më tej, Ambasada e SHBA-ve ka kërkuar që të tregohet vetëpërmbajtje nga të gjitha palët në mënyrë që të evikohet dhuna e të rivendoset qetësia.

?Nxisim të gjitha palët që të tregojnë vetëpërmbajtje më të mirë dhe të rivendosin qetësinë. Iu bëjmë thirrje të gjitha partive politike që t?i denoncojnë këto akte dhe të ndërmarrin të gjitha hapat e nevojshme për t?u siguruar që situata të shndërrohet në paqësore dhe konstruktive.?-shkruhet në postimin e Ambasadës amerikane.

Ndërsa, Ambasada Britanike në Tiranë u ka bërë thirrje protestuesve dhe opozitës që të zhvillojnë protesta paqësore.

Ky reagim i Ambasadës Britanike erdhi pas çarjes së kordonit të policisë dhe sulmit ndaj godinë së Kryeministrisë.

Ambasada Britanike shkruan se është koha për të respektuar rregullat dhe ligjin.

?Ne mbështesim të gjithë ata që bëjnë thirrje për demostrime paqësore. Është koha për të respektuar rregullat dhe ligjin. Protestë paqësore?-thuhet në reagimin e Ambasadës Britanike./CNA.al

 

 





Lajmet e fundit nga