Shënim/ Lulzim Basha shet dhe tradhton protestuesit

16 Shkurt 2019, 11:48, Aktualitet CNA

Sot Partia Demokratike dhe opozita, ashtu siç kishin paralajmëruar filluan tubimin e tyre përpara Kryeministrisë, me kërkesë të vetme dorëheqjen e kryeministrit Edi Rama dhe krijimin e një qeverie tranzitore.

Në fakt, ashtu siç pritej, ndoshta kjo e sotmja ishte një nga protestat më të zakonshme dhe ndoshta edhe me pjesëmarrjen më të ulët në gjashtë vitet e opozitës së Partisë Demokratike.

Por ajo që ishte më zhgënjyese nga të gjitha ishte një shitje publike dhe tradhëtia që Lulzim Basha ju bëri protestuesve.

Sadopak të ishin 10, 20 apo 30 mijë shqiptarë që protestonin kundër Ramës, kjo nuk ka rëndësi, pasi rreth 13 mijë të tillë votuan për Lulzim Bashën kryetar të PD-së. Pra, ka një potencial individësh që mund ta mbështesin Partinë Demokratike.

Por, ata sot kuptuan diçka tjetër. Sesi mund t?i tradhëtonte, t?i shiste e t?i keqpërdorte Lulzim Basha për pazaret me Edi Ramën.

Pas disa përplasjeve me policinë dhe tentativës për të hyrë në Kryeministri, turma që po protestonte, ndoshta e tensionuar dhe e fyer, dhe me një reagim të fortë kundër kryeministrit i cili ndodhet ne Vlorë, në një tjetër antimiting.

Por, menjëherë sapo ndodhi përplasja me policinë, Lulzim Basha dhe Sali Berisha reaguan, duke i shitur turpësisht protestuesit.

Basha tha se protestën po e provokonte Edi Rama, se dhunën e kishte bërë kryeministri dhe se ishte policia ajo që kishte provokuar.

Ky ndoshta është rasti më unikal në botë, kur protestuesit shkojnë të mbështesin një forcë politike dhe pas disa minutash, kryetari i partisë i akuzon se janë njerëz të shitur tek Edi Rama, një skenar i paguar nga kryeministri, një kordon policie që ka provokuar, protestues që ushtrojnë dhunë dhe se këtë dhunë e ka bërë Edi Rama.

Ky ndoshta është kryetari i opozitës më i ?çmendur? në botë, që del në protestë dhe më pas shet, tradhëton dhe akuzon protestuesit sikur janë vegla të kryeministrit, të cilin ai e ka kundërshtar.

Dhe pasi i ngriti nga shtëpitë dhe hallet e tyre e i çoi përpara Kryeministrisë të protestonin, Lulzim Basha ju thotë demokratëve se janë edhe vegla të Edi Ramës. Këtë mund ta bëjë vetëm Luli dhe askush tjetër./CNA.al