web counter
LEXO PA REKLAMA!

SHKARKO APP

App Store
Google Play

E fundit!

x

Vokshi takime në Kukës dhe Lezhë: T'i japim fund regjimit

15 Shkurt 2019, 10:12, Aktualitet CNA

Deputetja e PD-së, njëkohësisht kryetare e Lidhjes Demokratike të Gruas,  Albana Vokshi ka zhvilluar disa takime me gratë dhe vajzat në Kukës dhe Lezhë, ku u kërkoi t?i bashkohen protestës së 16-shkurtit.

Gjatë takimit, Vokshi  komentoi edhe abuzimin ndaj 13-vjeçares, të cilën e cilësoi si modelin që kërkon të përçojë kryeministri Edi Rama.

?Lidhja Demokratike e Gruas Shqiptare e sheh me shqetësim mjerimin, poshtërimin, përçudnimin që po i bëhet nënave dhe vajzave shqiptare çdo ditë, nga mospërfillja shtetërore.

Përdhunimi i të miturës në Kavajë mbetet simboli i shkatërrimit të çdo hallke të zinxhirit të shtetit, Drejtorisë Arsimore, prokurorisë e policisë që fshehën ngjarjen.?-tha Vokshi.

Më tej, kryetarja e LDGSH-së, Albana Vokshi tha se ky është modeli qeverisës që Edi Rama promovoi që në ditën e parë të qeverisjes së tij.

?Dhe këtë model e përçon kudo. Në Kavajë, kë vuri? Elvis Rroshin. Ju e dini se kë ka kryetarë në disa bashki të vendit, trafikantë ose përdhunues.

Sepse ju e dini se kë ka futur brenda në Parlament. Prandaj kemi rastin të reagojmë?, tha Vokshi nga Kukësi.

Duke e cilësuar si strategji të Edi Ramës për të lënë në prapambetje shqiptarët, duke u mbyllur shkollat, mbyllur bizneset, lënie pa ndihmë ekonomike, Vokshi theksoi se këto janë manovra të një njeriu që planifikon t?i blejë në fund shqiptarët në zgjedhjet e ardhshme.

?Këtë Edi Rama e ka bërë sepse do që t?i lërë në varfëri të tejskajshme që kur të vijnë zgjedhjet ajo familja që nuk i jep dot fëmijëve për të ngrënë ta detyrojë që të shesë votën për pak lek.  Do të çojë bandat kriminale. Me paratë e krimit dhe të drogës ai do të mundohet që t?i blejë qytetarët dhe të ruajë karriken e pushtetit?.

Vokshi takoi gratë dhe vajzat edhe në Lezhë. Nga aty së bashku me deputeten Lindita Metaliaj bënë thirrje që gratë t?i bashkohen protestes së 16 shkurtit, për të ardhmen e fëmijëve te tyre.

“Ti’ japim fund këtij regjimi diktatorial. Të marrim në dorë fatin tonë dhe të fëmijëve tanë. Të mos lejojmë që një dikator, një sundimtar të vendosë për të ardhmen tonë dhe të ardhmen e fëmijëve tanë. Ne kemi lindur këtu, duam të jetojmë këtu. Duam të rrisim fëmijët këtu me nder dhe dinjitet”, tha Metaliaj.

Data 15 shkurt u theksua nga Vokshi si dita e fundit ku presim që Edi Rama të largohet, ose përkundrazi, tha ajo, jemi ne që duhet të marrim fatet tona e të fëmijëve tanë në dorë./ CNA.al

[smartslider3 slider=15]

 





Lajmet e fundit nga