E fundit!

10:09 Politikë

“Suksese në udhëheqjen e vendit gjatë një prej kapitujve më të vështirë”/ Rama uron kryeministrin e ri të Ukrainës

Kreu i qeverisë, Edi Rama ka reaguar për emërimin e kryemi...

Ekskluzive-Sekretet dalin rrugëve/ Rama-Basha, marrëveshje të fshehtë për protestën

14 Shkurt 2019, 22:14, Aktualitet CNA

Prej disa ditesh janë dekonspiruar informacione të hollësishme rreth protestës së opozitës.Ky trend ka vijuar të jetë edhe më agresiv në emisionin “Opinion”, të ,brëmjes së të Enjtes, ku sekretet janë derdhur lumë. Si nga të ftuarit në studio, ashtu dhe nga të lidhurit nëpërmjet linjës telefonike.

Në fakt ka ditë që si mënyra e organizimit ashtu dhe strategjia e protestës kanë qenë refren i të ftuarve politik, nëpër media, por edhe i deklaratave të dala nga selia e PD-së, së drejtuar nga Lulzim Basha.

Prej ditësh është marrë vesh se protesta do të jetë pronë e protestuesve, se organizatorët do ti lenë ata të lirë në shprehjen e mllefit ndaj qeverisë Rama. Se do të rrethohet Kryeministria dhe do të çlirohet vetëm pasi Rama të deklaroj dorëheqjen, se…se…

Sot PD e Lulzim Bashës bëri publike, madje, edhe zonat se ku do të përqëndrohen protestuesit, se si do të pushtohet kati i parë i godinës së Kryeministrisë, se opozita është veç organizatore dhe nuk do bëj asnjë përpjekje për ti ndalur pjesëmarrësit…

Janë informacione që në një organizim të vërtetë nuk ka pse deklarohen publikisht dhe aq më tepër të reklamohen si të jenë mall tregtimi. Janë informacione që sa më pak të ditura të jenë aq më shumë garanci do të ketë mbarëvajtja e protestës dhe arritja e qëllimit.

Me protestën e 16 Shkurtit opozita synon rrëzimin e qeverisë Rama dhe shkuarjen në zgjedhje pa të si kryeministër. Objektiv që mund të realizohej shumë mirë duke mos e bërë publik strategjinë e protestës, por duke e mbajtur atë nën sirtar deri në mbritjen e momentit. Të veprosh, sikundër ka vepruar opozita do të thotë ti japësh në dorë kundërshtarit, pra Edi Ramës, armën me të cilën ti synon ta sulmosh. Duke e nxitur të marrë masat për të realizuar në mos dështimin e protestës sabotimin e saj, korrjen e minimumit të fitores. Sepse çka sjellë bërja publike e sekreteve?

Policia morri masa për ti izoluar protestuesit tek sheshi para bulevardit kryesor, duke mos lejuar shtrirjen nëpër zonat e tjera të kryeqytetit, ku ishte planifikuar të mbahej. Po ashtu, policia ka projektuar të mos lejojë udhëtimin e automjeteve të transportit publik drejt Tiranës etj.

Në anën tjetër, prej javësh, misionarët rilindas të Edi Ramës kanë nisur të trokasit portë më portë për ti bindur qytetarët, e vendosur për tu pjesëmarrë në protestë, të mos shkojnë… Ka dhe të tjera masa kundërvepruese të marra nga skalionet e Ramës me qëllim dështimin e protestës. Një e tillë është strategjia e kryeministrit Edi Rama që ka projektuar ti bëjë karshillëk protestës së Tiranës me organizimin e kundërmitingu në Vlorë etj.

Duam të themi me këtë se qëndrimi paraprotestë i opozitës nuk i vlen mbarëvajtjes së fitores, pra rrëzimit të Edi Ramës nga qeverisja, më shumë se një fitoreje të çalë, por sërish me Ramën në krye të qeverisjes.

Po atëherë? Pse e lejon Lulzim Basha aplikimin e një të tillë strategjie, dekonspirimi paraprak? Gjithçka në kuadër të bashkëpunimit të fshehtë Rama-Basha, thanë burime konfidenciale, nga shtabi organizator i opozitës, duke shtuar se e gjitha është një lojë të cilën Basha është i detyruar ta luaj, për të shuar zërat që e akuzojnë për marrëveshje të fshehtë me Ramën./ CNA.al.