Opozita qëllon Ramën nga Tirana/ "Rilindja" kundërpërgjigjet nga Vlora

14 Shkurt 2019, 20:01, Aktualitet CNA

Protesta e opozitës e paralajmëruar për tu mbajtur në darën 16 Shkurt do nis në qendër të kryeqytetit për tu përhapur edhe në disa pika të tjera të Tiranës.

Ndonëse Policia e Shtetit i’a ka refuzuar mbajtjen e saj në zonat ku,sipas saj: “sjell shqetësime”, veçanërisht për qarkullimin rrugor, burimet e PD-së kanë deklaruar se nuk do ketë tërheqje. Që do të thotë se nuk do të ketë ndryshim programi dhe se protesta do të vijojë sipas planit të publikuar.

?Ju njoftojmë se tubimi i datës 16 shkurt do të zhvillohet në bulevardin ?Dëshmorët e kombit? në sheshin para kryeministrisë, Lulishtja tek piramida dhe rruga ?Ismail Qemali?. Caktimi i vendit të tubimit është e drejtë kushtetuese e organizatorit dhe drejtuesit të tubimit. Për këtë arsye ligji parashikon njoftimin dhe jo kërkesën për leje në rastin e zhvillimit të një tubimi,?- është përgjigja përfundimtare që PD ia drejton Policisë.

Ndërkohë që me programin e mësipër opozita synon të godasë qeverinë Rama, me pikësynim rrëzimin e saj, “Rilindja” e këtij të fundit është kundërpërgjigjur me të njejtën monedhë.

Nga shtabi i “luftës” së Ramës mësohet se të shtunën ndërsa opozita do të protestojë në sheshet e Tiranës, PS do të tubohet në Sheshin e Flamurit në Vlorë. Antimitingu, që synon ti bëjë karshillëk tregimit të muskujve nga opozita, është justifikuar si i organizuar në kuadër të turit të takimeve me publikun “Bashkia që duan”.

Antimitingun e ka konfirmuar edhe ish “gjenerali” i shkarkuar i Edi Ramës, Damian Gjiknuri, kryesues i listës së deputetëve në Vlorë, nëpërmjet një postimi në rrjetin social, ku bën thirrje për pjesëmarrje.

?Në kuadër të takimeve publike të turit ?Bashkia që duam?, Kryeministri Edi Rama do të jetë të Shtunën në qytetin e Vlorës.

Vëmendja e shtuar e qeverisë për Qarkun e Vlorës tashmë është e prekshme përmes investimeve të kryera dhe projekteve të planifikuara. Ftoj të gjithë qytetarët të jenë në ora 10:30 në Sheshin e Flamurit?,- shkruan Gjiknuri, duke vendosur poshtë tekstit foton e mëposhtme./CNA.al