web counter
LEXO PA REKLAMA!

SHKARKO APP

Tensione në parlament/ Ndërpritet seanca

14 Shkurt 2019, 09:59, Aktualitet CNA

Kuvendi i Shqipërisë është mbledhur sot në një seancë plenare, ku pritet të ratifikojë protokollin për anëtarësimin e Republikës së Maqedonisë së Veriut në NATO. I pranishëm në këtë seancë është edhe Kryetari i Kuvendit të Republikës së Maqedonisë së Veriut, Talat Xhaferi.

Por, ndërkohë seanca është shoqëruar me debate dhe përplasje mes deputetëve.

Nënkryetari i PD-së, Edi Paloka qëlluar me bojë në drejtim të kryeministrit Rama dhe kjo ka bërë që kryeparlamentari Ruçi të kërkojë përjashtimin e tij nga seanca.

Paloka ka kundërshtuar daljen nga parlamenti dhe ndërkohë seanca është ndërprerë.

Debatet filluan pasi, kryetari i Partisë Demokratike, Lulzim Basha në fjalën e tij nga foltorja e Kuvendit, pasi shprehu ngushëllime për familjarët e viktimave, u është rikthyer akuzave ndaj qeverisë, e cila sipas tij është e lidhur me krimin e organizuar.

Ndërkohë, kryeministri Rama ka reaguar pas fjalës së Bashës, duke e cilësuar si një fëmijë që nuk se çfarë flet.

?I dashur miku ynë, kryetari i Kuvend të Maqedonisë, ju kërkoj ndjesë për këtë shkelje të kodit të etikës. Ju siguroj që fëmija që sapo foli jo vetëm nuk i mendon ato që thotë por as nuk di se çfarë thotë?-tha Rama.

Pas kësaj, Paloka ka qëlluar me bojë në drejtim të Ramës./ CNA.al





Lajmet e fundit nga