Fundi i "Lali Erit"?/ Veliaj akuzohet për vrasje

14 Shkurt 2019, 10:12, Aktualitet CNA

17-vjeçari Ardit i Gjoklaj u gjet i vrarë në impiantin e përpunimit të mbeturinave në landfillin e Sharrës, në Gusht të vitit 2016.

Arditi u vra, ndërsa punonte për të ndihmuar familjen, ndërkohë që vrasësit e tij sot janë në liri.

Drejtësia,e cila dyshohet se është bërë pjesë e pazareve politike, ka dështuar për të dërguar prapa hekurave vrasësit e Arditit 17 vjeçar.

Së fundmi, në media ka dalë dhe një vendim i Gjykatës së Tiranës që rehabiliton vrasësit. Sipas të njëjtit vendim, bazuar në disa kuazi- ekspertiza, Ardit Gjoklaj është vrarë jashtë landfillit të Sharrës.

Vendimi skandaloz i Gjykatës së Tiranës, sigurisht që ka shokuar familjarët e Arditit, të cilët ndryshe nga vrasësit që blejnë drejtësinë, ata vijojnë të ndjekin rrugët ligjore.

Aktivisti Aulon Kalaja, i cili në vijmësi ka kërkuar drejtësi për 17-vjeçarin, ka biseduar me familjarët e Ardit Gjoklajt dhe tregon se ata janë pritje të zbardhjes së vendimit, për të proceduar më tej ligjërisht.

“Prej disa vitesh ata kërkojnë drejtësi, ndërsa çështja vetëm është manipuluar, se gjoja trupi i djalit të tyre qenka gjetur jashtë landfillit të Sharrës dhe nuk ka vdekur brenda”, ka thënë Kalaja për CNA.al.

Sipas Kalasë, këto janë tentativat e disa ekspetëve të futur në çështjen e Ardit Gjoklajt nga kryetari i Bashkisë së Tiranës, Erion Veliaj.

“Vëllai i Arditi më ka treguar se ai ka qenë i punësuar në landfillin e Sharrës. Ai punonte aty për të blerë çantën dhe librat e shkollës për motrën dhe për të ndihmuar dhe vëllain”, ka treguar më tej Kalaja.

Sipas tij, vrasësi i Arditi, është kryebashkiaku Erion Veliaj, i cili ka ndërhyrë për ta mbyllur rastin.

“Vetë Erjon Veliaj që unë e kam akuzuar personalisht si vrasës i Ardit Gjoklajt, ka ndërhyrë. Veliaj ka thënë që le të merret Prokuroria me këtë punë. Por cila prokurori? Është ai prokurori, në dasmën e djalit të të cilit ishte Veliaj. Pas vrasjes së Arditit, prokurori (Petrit Fusha) dhe Erion Veliaj u panë në një nga restorantet e Tiranës duke drekuar. Ai jo vetëm duhet të mbajë përgjegjësi, por duhej të jepte dorëheqjen në këtë rast”, ka thënë më tej Kalaja.

Pas vendimin skandaloz të Gjykatës, protestat për të kërkuar drejtësi për Arditin do të rifillojnë sërish.

Kujtojmë se në protestat e mëhershme reagimi i Veliajt, njeriut që akuzohet nga Kalaja si vrasës ka qenë i ashpër.

Deri në atë pikë saqë ta shfryjë inatin dhe urrejtjen me banderolat.

Portreti gjigand i 17 vjeçarit Ardit Gjoklaj, i vrarë në landfillin e Sharrës, ishte në krye të protestës së një viti më parë.

Fotografia e tij ishte stampuar në një sipërfaqe 100 metra katrorë me mbishkrimin ?Drejtësi për Ardit Gjoklaj?.

Që në fillim të protestës Bashkia e Tiranës hoqi banderolën e vendosur në sheshin ‘Skëndërbej’ me ideimin e aktivistit Aulon Kalaja.

Arditi u vra në një biznes të përbashkët të një firme private me Bashkinë e Tiranës, që u promovua nga Erion Veliaj si burim punësimi i sigurt.

Bashkia dhe firma e fshehën vrasjen aksidentale të Arditit për te fshehur përgjegjësinë penale dhe morale për vdekjen e17 vjeçarit, që punonte në landfill për të siguruar paratë për librat e shkollës./CNA.al

Marioneta e PS, “vrau” për së dyti Ardit Gjoklajn/ Për sa u shit gjyqtari Gerd Hoxha?

Pazare me vrasjen e Ardit Gjoklajt?/ Si u përfshinë gjyqtarët në krim

Vrasja e Ardit Gjoklajn/ Pyetjet dhe faktet që akuzojnë Veliajn

Vrasja e Ardit Gjoklajt/ Prokuroria dhe Gjykata në shërbim të Veliajt

Vrasja e Ardit Gjoklajt/ Atentat ndaj shoferit të ekskavatorit

Vdekja e Ardit Gjoklajt/ ?Erion Veliaj shantazhon prokurorët dhe gjyqtarët?