web counter
LEXO PA REKLAMA!

SHKARKO APP

App Store
Google Play

Veliu me “dorë të hekurt”/ Përjashton 14 policë, 9 të tjerë u arrestuan

13 Shkurt 2019, 12:38, Aktualitet CNA

Drejtori i përgjithshëm i Policisë se Shtetit, Ardi Veliu ka qënë i pranishëm sot në konferencën, ku u bë prezantimi i raportit të luftës kundër kanabisit.

Gjatë fjalës së tij, Veliu ka folur me shifra mbi shkarkimet dhe arrestimet e punonjësve të policisë që shpërdoruan detyrën në 2018-ën.

?Me vendosmëri reaguam ndaj çdo konstatimi të moszbatimit të detyrave funksionale, implikimi apo shkelje të Rregullores së Policisë së Shtetit, ku si rezultat  gjatë vitit 2018 u përjashtuan nga policia 14  punonjës policie si dhe u arrestuan apo ndaluan   9  të tjerë.

Shembull i vendosmërisë së punës tonë, për plotësimin e detyrimeve të Planit Kombëtar të Veprimit në luftë ndaj kanabisit, pa shmangur asnjë aktor në këtë betejë, është procedimi penalisht i 43 zyrtarëve vendorë, administratorë të njësisë administrative, kryetarë fshati dhe inspektorë të shërbimit pyjor, roje ujësjellësi etj, për veprat penale ?Shpërdorim detyre? dhe ?Mos kallëzim krimi?.?-tha Veliu.

Më tej, kreu i Policisë së Shtetit theksoi se serioziteti i analizimit të situatës, vlerësimit të saj, gjetjes së rrugëve efikase të bashkëpunimit  me të gjithë faktorët dhe aktorët dhe goditjes në themel të kësaj paligjshmërie, bashkëpunimit të ngushtë dhe koordinimit të veprimeve me  skuadrën e Guardia di Finanza bëri që gjatë vitit 2018, kultivimi i kanabisit në Shqipëri të  shkonte në shifrat më minimale përgjatë tre dekadave të fundit.

?Aktualisht  jemi duke zbatuar operacionin kundër kultivimit të bimëve narkotike për vitin 2019, për të cilin jemi ambiciozë, duke minimizuar akoma më tej rastet e kultivimit dhe të trafikimit të bimëve narkotike.

Për Policinë e Shtetit është një sfidë e madhe viti 2019, pasi kemi përpara disa sfida të cilat kërkojnë  impenjim maksimal, devotshmëri dhe profesionalizëm, për të bërë të mundur një sezon turistik me parametra optimale në fushën e rendit e sigurisë dhe ndjekjen dhe menaxhimin e shërbimeve në funksion të stinës zgjedhore, etj.?-tha ndër të tjera Ardi Veliu./CNA.al





Lajmet e fundit nga