E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Skandali i byzlykëve/ A do të arrestohet Ylli Manjani?

12 Shkurt 2019, 10:56, Aktualitet CNA

Abuzimi me tenderat, apo siç njihet ndryshe skandali i byzylykëve, ka çuar në pranga disa ish-zyrtarë të Ministrisë së Drejtësisë.

Ish-zyrtarët, akuzohen se kanë abuzuar me tendera miliona eurosh.

Një ditë më parë në pranga u vu edhe ish-juristi i Ministrisë së Drejtësisë, Lysien Ali, i cili ishte shpallur në kërkim prej 5 ditësh.

Gjykata kishte vendosur ndaj tij masën e sigurimit personal të arrestit me burg.

Pesë ditë më parë për abuzim me tenderat, Policia vuri në pranga me urdhër të prokurorisë disa ish-zyrtarë të Ministrisë së Drejtësisë.

Në Polici përfundoi edhe ish-sekretarja e Përgjithshme në Ministrinë e Drejtësisë, Juliana Hoxha, e cila më pas me vendim Gjykate ajo u la në arrest shtëpie, ndërsa për tetë persona të tjerë u caktua masa me detyrim paraqitje. Për skandalin me tenderat nën verifikim janë edhe dy ish-ministra të LSI-së, Petrit Vasili dhe Ylli Manjani.

Ndërsa viktimat, “peshqit e vegjël”, janë vënë në hetim dhe janë prangosur, “peshqit e mëdhenj”, kokat politike janë lënë në liri. Me pak fjalë urdhëruesit janë lënë jashtë përgjegjësisë. Ylli Manjani i cili ka qenë në krye të Ministrisë së Drejtësisë kur është dhënë tenderi i byzlykëve, është ‘amnistuar” nga prokuroria. Të paktën drejtpërdrejt, ndaj tij nuk thuhet se ka hetime, përgjegjësia u është lënë “viktimave”.

Implikimi i Manjanit në skandalin e byzylykëve

Ajo që bie në sy në këtë skandal, për të cilin Prokuroria po heton, është se të implikuarit kanë një emërues të përbashkët LSI-në.

Të dy ish-ministrat që po verifikohen si Ylli Manjani ashtu edhe Petrit Vasili kanë udhëhequr nën logon e LSI-së.

Edhe kompania e cila thuhet se ka fituar kundërligjshëm tenderin e byzylykëve, ka për pronar një person të lidhur me themeluesin e LSI -së Ilir Meta. Ai është Ermal Beqiri, i cili më herët, në rolin e ekspertit ka shpëtuar Metën nga burgu.

Beqiri e quajti të pavërtetë dhe të manipuluar video-përgjimin, ndërsa tani rrezikon të dalë para drejtësisë.

Pasi shpëtoi Metën nga burgu në vitin 2014 ai u “shpërblye” me postin e drejtorit të IT të Hipotekës. Por, shpërblimet duket se nuk janë ndalur këtu. Atij i është dhënë tenderi me vlerë 1.4 milionë euro për furnizimin e 300 byzylykëve elektronikë, të shpallur nga Ministria e Drejtësisë kur drejtohej nga Ylli Manjani.

Por Ylli Manjani i bën “fresk” drejtësisë në liri, ndërsa peshqit e vegjël janë dërguar para llogaridhënies.

Zbulimi i skandalit

Hetimi ka nisur nga Prokuroria e Tiranës, pas një raport auditi të Ministrisë së Financave, e cila kishte konstatuar, dështimin e tenderit të byzlykëve, që garantonin siguri në mbikëqyrjen e të dënuarve.

Sipas auditimit të Ministrisë së Financave, tenderi i byzylykëve elektonikë ishte më i kushtueshmi.

Pesë tendera, përfshirë këtu edhe atë të byzylykëve të zhvilluar në vitet 2016-2017 nga Ministria e Drejtësisë me vlerë rreth 550 milionë lekë apo 4.4 milionë euro janë kryer në shkelje të procedurave.

Në këtë përfundim ka arritur edhe Prokuroria, e cila ka proceduar me arrestimet.

Mësohet se në të pestë tenderat e audituar, fitues kanë dalë operatorët ekonomike me vlerat më të larta, ndërsa konkurentët e tjerë janë paraqitur pa ofertë, pse pa dokumentacione.

Sipas BIRN, Për tenderin me objekt ?Përmirësimi i sistemit të mbikëqyrjes elektronike në fushën penale?, auditi ka konstatuar si shkelje përcaktimin e fondit limit në mungesë të një studimi dhe përmes marrjes së ofertave në treg.

Përveç këtij tenderi, kompanitë Fastech dhe Soft & Solution kanë fituar një tjetër kontratë në shkurt 2017 për përmirësimin dhe mirëmbajtjen e sistemit të menaxhimit elektronik të çështjeve të Përmbarimit me vlerë 67 milionë lekë dhe me afat zbatimi një periudhë 51 mujore.

Mësohet për këtë tender është skualifikuar oferta më e ulët dhe është shpallur fituese ajo më e larta, me argumentin se plotësonte kushtet për kualifikim./CNA.al

Nga licensat e noterëve tek skandali i byzylykëve/ Fundoset ish-ministri i Ramës?

Ish-ministrave të LSI-së iu tunden prangat/ Plas skandali i ekspertit të dosjes së Ilir Metës

Gjithollogu i dështuar i politikës

Skandali me byzylykët elektronikë/Tërhiqet kompania private, do dorëzojë pajisjet