Vrasja e Ardit Gjoklajt/ Elisabeta Imerajt i shpërthen “bomba’ në duar

5 Shkurt 2019, 10:39, Aktualitet CNA

Vdekja e 17 vjeçarit Ardit Gjoklaj në landfillin e Sharrës në verën e vitit 2016, tronditi mbarë opinionin publik.

Por për këtë rast nuk është dhënë drejtësi, ndaj është përshkallëzuar me hakmarrja.

Ku nuk funksionon drejtësia, funksion hakmarrja. Aty ku krimi bëhet palë me prokurorinë dhe gjykatat, rruga që gjendet është hakmarrja.

Një ditë më parë ndaj shoferit të eskavatorit që dyshohet se vrau Ardit Gjoklajn u bë një atentat me armë zjarri. Ngjarja u mbajt e fshehtë nga Policia dhe vetëm pas raportimit nga media, është dhënë informacion zyrtar.

Rreth orës 06:30 të mëngjesit të së hënës, në rrugën ?5 maji? në Tiranë, është qëlluar me armë zjarri ndaj Edmond Kollarit, 43-vjeç. Dyshimet e para janë se autori ka pasur qëllim ekzekutimin e Kollarit, ndërkohë që ky i fundit ka shpëtuar pa lëndime.

Edmond Kollari ka qenë i ndaluar, në 2016 pas vdekjes së Ardit Gjoklajt.

Por më pas sëbashku me një person tjetër ai është lënë i lirë me vendim të Gjykatës së Tiranës për mungesë provash.

Prokuroria amnistoi Veliajn

Për vrasjen e Ardit Gjoklajt, nuk është dënuar askush. Prokuroria bëri hetime sa për të thënë dhe përgjegjësit qoftë në vendin e ngjarjes ose jo u lanë të lirë.

Në vitin 2017, Prokuroria e Tiranës përfundoi hetimet dhe dërgoi për gjykim shoferin e eskavatorit Edmond Kollari dhe përgjegjësin e turnit Dëfrim Hakrama. Dy personat në fjalë u akuzuan për shkelje të rregullave në punë, ku për pasojë humbi jetën 17-vjeçari Ardit Gjoklaj, i cili po punonte në landfillin e përpunimit të mbetjeve në Sharrë.

Por, Gjykata e Tiranës i la të lirë si Defrim Hakramën ashtu edhe shoferin e fadromës Edmond Kollari.

Në atë kohë u tha se krahas hetimeve të nisura për vdekjen e 17-vjeçarit, po bëheshin hetime edhe për përgjegjësitë e mundshme të kompanisë ?3R?, shoqërisë ?Eco Tirana? dhe Bashkisë së Tiranës, sipas një kallëzimi të dorëzuar nga grupi i këshilltarëve bashkiakë të Partisë Demokratike.

Por, në këtë pikë Prokuroria e Tiranës nisi një lojë të re. Pasi hetimi për kompanitë dhe Bashkinë e Tiranës u veçua nga hetimi kryesor për vdekjen e Ardit Gjoklaj, me pretendimin se po përfundonin afatet e paraburgimit për dy personat e konsideruar përgjegjës për vdekjen e punëtorit.

CNA.al, disa kohë më parë publikoi foto ekskluzive, të drekës mes kryebashkiakut të Tiranës Erion Veliaj dhe prokurorit Petrit Fusha dhe njëherësh dha alarmin për mbylljen e dosjes së Ardit Gjoklajt.

Takimi i tyre u mbajt në kohën kur prokurori Petrit Fusha ishte në krye të Prokurorisë Tiranës dhe mbylli dosjen e Erion Veliajt për Ardit Gjoklajn.

Por sot, këmbanat bien mbi drejtuesen e Prokurorisë së Tiranës, Elisabeta Imeraj, e cila duhej ta kishte rihapur dosjen e vrasjes së Ardit Gjoklajt.

Imeraj duhet të zgjedhë ose të zbatojë Ligjin ose Kanunin që rrugët e Tiranës të mbushen me të vrarë.

Fajtorët për vrasjen e Ardit Gjoklajt, të cilët tashmë janë bërë shumë përfshirë këtu dhe gjyqtarët dhe prokurorët që e vranë për së dyti Arditin, duhej të përgjigjeshin para drejtësisë.

Janë bërë 7 muaj që Imeraj drejton Prokurorinë e Tiranës, dhe ndërkohë ata që vranë Arditin i shohin në media, apo iu bëhet atentat rrugëve./CNA.al

Vrasja e Ardit Gjoklajt/ Atentat ndaj shoferit të ekskavatorit

Vdekja e Ardit Gjoklajt/ Elizabeta Imeraj në krah të Erion Veliajt apo të drejtësisë?

Vdekja e Ardit Gjoklajt/ ?Erion Veliaj shantazhon prokurorët dhe gjyqtarët?

Mbylli dosjen e Ardit Gjoklajt dhe mbrojti Veliajn/ Petrit Fusha akuzohet egërsisht nga PD

Vrasja e Ardit Gjoklaj/ Gazetari: Dreka e Veliajt me prokurorin shpëtoi përgjegjësit nga gjykimi