E fundit!

17:15 Politikë

“Revolucion psikologjik i shqiptarëve”/ Muçollari: Qytetarët ngrejnë zërin, moskonformim me pushtetin

Demokrati Grigels Muçollari komentoi sot protestat qytetar...

Video/ Zbardhet vrasja e Devi Kasmit

2 Shkurt 2019, 15:58, Aktualitet CNA

Janë zbuluar pamjet e vrasjes së Devi Kasmit nga ish-oficeri i forcave speciale greke, Efthimios Efthimiu.

Nga kamerat e sigurisë së bizneseve në rrugën ?Kongresi i Manastirit?, në orën 19.26 të mbrëmjes së 29 janarit 2018, disa minuta pas vrasjes shikohen personat e dyshuar për vrasjen.

Nga pamjet dallohet një fugon i bardhë, i mbyllur në pjesën e pasme që mbërrin në vendngjarje.

Mjeti qëndron disa sekonda pastaj bën disa lëvizje para mbrapa. Më pas vjen një person që mban veshur një xhup të bardhë dhe kapuç në kokë me fytyrë të zbuluar. Ky person ulet para dhe më fugoni largohet.

Nga dosja hetimore, rezulton se ish-oficeri grek ka hyrë në rrugën Petro Cani pranë Pediatrisë, diku rreth orës 18:30 raporton BW.

Nga prokuroria shtohet së autori e priti disa kohë viktimën e tij dhe menjëherë sapo Kasmi mbërriti poshtë pallatit te tij, shtetasi grek e qëlloi me katër plumba.

Më pas greku është larguar nga një rrugicë tjetër dhe del sërish në rrugën ?Kongresi i Manastirit?.

Në dosjen e prokurorisë shtohet se fugoni drejtohej nga Malvin Dinellari, i cili ka vijuar rrugën duke dalë në zonën e Brrylit dhe merr drejtimin për nga Pallati me Shigjeta.

Kamerat kanë fiksuar targën e automjetit që rezulton të jetë AA 231 JH.

Në vijim të hetimeve prokuroria ka zbuluar se fugoni ishte blerë 12 ditë përpara ngjarjes, nga pjesëtarët e grupit kriminal të drejtuar nga Aurel Hoxhallari që është në arrati. Ndërsa, disa ditë pas krimit fugoni u gjet në shtëpinë e Hoxhallarit në zonën e Kasharit, vend ku dhe u zbulua një arsenal i madh armësh.

Një vit pas kësaj ngjarjeje që tronditi Tiranën, prokuroria për Krime të Rënda përfundoi hetimet dhe dorëzoi dosjen në gjykatë.

Listën e të akuzuarve e kryeson shtetasi grek, pasi akuzohet si ekzekutor, ndërsa grupin kriminal që porositi dhe pagoi vrasjen dyshohet se e drejtonte Aurel Hoxhallari.

Për këta persona rëndojnë akuzat e vrasjes me paramendim kryer në kuadër të grupit të strukturuar kriminal dhe armëmbajtje pa leje./CNA.al