web counter
LEXO PA REKLAMA!

SHKARKO APP

App Store
Google Play

E fundit!

x

Pse hesht ministri Lleshaj për ish sigurimsat që kanë përmbytur Policinë?

27 Janar 2019, 19:54, Aktualitet CNA

?Policia e Shtetit sot drejtohet në të gjithë piramidën e saj nga ish oficerë dhe bashkëpunëtorë të Sigurimit të Shtetit??.

Konstatimi është pjesë fragmentare e deklaratës më të fundit që opozita ka bërë  ditën e sotme. Pas një heshtjeje disamujore Partia Demokratike i është rikthyer edhe një herë pranisë së ish punonjësve të Sigurimit të Shtetit Komunist në strukturat e larta drejtuese të institucioneve të etiketuara si antikomuniste. Themi të etiketuara, pasi, në të vërtetë, faktet tregojnë se jo pak prej kuadrovikëve, madje edhe të lartë, të ish sistemit diktatorial shërbejnë si pjesë përbërëse edhe në këtë erë të re të paskomunizmit.

Shkak për reagimin më të fundit të PD-së është bërë emërimi i nëntë ish oficerëve të shërbimit sekret Komunist në strukturën e re të Shërbimit Informativ Shtetëror (SHISH). Por edhe zbulimi i një ish spiuni të Sigurimit të Shtetit, me pseudonimin ?Venusi? në strukturën e re të sistemit të drejtësisë KLP.

Gjithsesi nuk janë vetëm këto dy institucione tepër të rendësishme të pushtuara nga ish agjentët zyrtarë të shërbimit sekret Komunist, që në terminologjinë e kohës vlerësohej si ?syri dhe veshi i Partisë?. Pasi, përveç tyre, rreth gjysma e ish sigurimsave kanë gjetur strehim në Policinë e Shtetit, jo pak herë të emëruar edhe në pozicione drejtuese, si drejtor, shefa, këshilltar etj.etj.

Sipas një të dhëne të publikuar në muajin Tetor 2018 nga PD, rezulton se në Policinë e re shërbejnë në poste drejtuese 534 ish oficerë dhe drejtues strukturash të ish Sigurimit. Që i bie të jenë rreth gjysma zyrtare e kontigjentit veprues të kohës së diktaturës e qenë aktive edhe në këtë epokë të re paskomunizmi.

Shifra e përmendur ka qenë prezente gjatë gjithë qeverisjeve socialiste, që nga Fatos Nano deri tek kabinetet Rama 1,2, duke ardhur në rritje. Për të mbetur e fiksuar në nivelin 534 kur  Ministrinë e Brendëshme  e drejtoi Saimir Tahiri, Fatmir Xhafaj dhe ky më i fundit  Aleksandër Lleshaj. Në deklaratat e të cilit, lidhur me reformat e pritëshme në Polici, fatkeqësisht, ende nuk kemi dëgjuar të përmendet çmontimi i kontigjentit të ish oficerëve të shërbimit sekret komunist, prania e të cilit vjen në kundërshtim me ligjin në fuqi për dekomunistizimin e Policisë së Shtetit./ CNA.al





Lajmet e fundit nga