web counter
LEXO PA REKLAMA!

SHKARKO APP

App Store
Google Play

E fundit!

x

"Pakti për Universitetin"/ LSI zbulon prapaskenat

2 Shkurt 2019, 12:58, Aktualitet CNA

Deputetja e Lëvizjes Socialiste për Integrim, Kejdi Mehmetaj ka thënë sot se kryeministri Edi Rama do që të sjellë në Shqipëri universitetin e mikut të tij.

Në një deklaratë për mediat, Mehmetaj tha se Rama mori sot edhe postin e ministrit të Arsimit.

Sipas saj mungesa e Besa Shahinit në takimin me studentët tregoi se ajo nuk e mban dot një post të tillë.

?Rama tentoi të vrasë transparencën që shqiptarët e fituan shumë vite më parë dhe lirinë akademike. Një nivel i tillë papërgjegjshmërie nga ana e ministres, e cila nuk shkoi në takimin me studentët nuk ishte parë asnjëherë më parë dhe kjo e shtyu Kryeministrin që të marrë edhe një post të tretë atë të ministrit të Arsimit.?-tha ajo.

Deputetja e LSI-së theksoi se ?Pakti për Universitetin? është në fakt një Pazar i kreut të qeverisë, i cili synon të sjell në vendin tonë universitetin e mikut të tij.

?Kjo u pa në takimin e sotëm me studentët ku ministrja nuk mori pjesë. Kjo tregoi se ?Pakti për Universitetin? është në fakt pazari për universitetin. ?Pakti për Universitetin? tregon se kush është Edi Rama.

Rama në fakt do që të sjellë në Shqipëri universitetin e mikut të tij.?-shtoi ajo.

Kejdi Mehmetaj deklaroi se Edi Rama mban sot tre poste, atë të Kryeministrit, ministrin e Jashtëm dhe së fundmi sipas saj atë të ministrit të Arsimit.

?Nga sot Shqipëria nuk ka më një ministër Arsimi por një Kryeministër që mban tre poste, një Kryeministër që mban tre poste të pushtetit.?-tha deputetja e LSI-së./CNA.al

Deklarata për media e deputetes së LSI-së, Kejdi Mehmetaj:

Sot doli e qartë për sytë e shqiptarëve se tanimë për Ministër Arsimi nuk kemi më Besa Shahinin, por bedelin e saj, ose e thënë me qartë zëvendësuesin e saj Edi Ramën.

Janë bërë disa sjellje të njëpasnjëshme skandaloze dhe të papërgjegjshme të Besa Shahinit, duke filluar me largimin nga komisioni parlamentar, për të vazhduar me ofendimet ndaj pedagogëve gjatë takimit me ta dhe më e rënda ikja me turp nga takimi me studentët e Shkodrës nga frika e komunikimit me ta përballë kamerave.

Kjo është ministresha që përzgjodhi drama kryeministër për të zgjidhur situatën dramatike të pedagogëve dhe studentëve shqiptarë

Kjo është ministresha që bëri atë që nuk ishte parë e dëgjuar më parë, tentoi të vrasë transparencën që shqiptarët e fituan me shumë mund dhe lirinë akademike që është e drejtë kushtetuese.

Një nivel i tillë papërgjegjshmërie dhe pa aftësie ministrore nuk ishte parë më pare as nga ministrat e tjerë rilindas dhe me sa duket kjo e shtyu Kryeministrin të marrë edhe një post të tretë, të vet të bëhet edhe ministër arsimi.

Kjo u pa në takimin e sotëm, ku ministresha mungonte dhe me një grusht të vogël studentësh të mjekësisë përkundrejt mijëra të tjerëve që studiojnë në atë fakultet, Edi Rama tregoi që në të vërtetë Pakti për Universitetin është Pazar për Universitetin.

Një pazar i rëndë në kurriz të shqiptarëve që trembet nga transparenca dhe nga kamerat.

Pakti për Universitetin është në të vërtetë Pazari Universitetin që shet studentët dhe pedagogët për interesat e Edi Ramës.

Shfaqja e sotme dhe ky pazar i rëndë që ka ideuar nxjerr zbuluar kush është Edi Rama përballë kërkesave të Studentëve.

Tregon kush është Edi Rama përballë pedagogëve, tregon kush është Edi Rama përballë prindërve të studentëve shqiptarë.

Tregon dëshirën e ethshme të Edi Ramës për të shkatërruar Universitetin Shqiptar me qëllim sjelljen në Shqipëri të Universitetit të kumbarit të tij.

Nga sot Shqipëria nuk ka më një ministër Arsimi, por një kryeministër që vetëmban 3 poste, një kryeministër që sot ka vulosur fundin e tij të turpshëm.

Faleminderit





Lajmet e fundit nga