E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Takimi me studentët/ Deputeti tallet keq me Ramën

2 Shkurt 2019, 19:28, Aktualitet CNA

Deputeti i Paritsë Demokratike, Luciano Boçi, me anë të një postimi në rrjetet e tij sociale, ka reaguar ashpër për takimin e kryeministrit Edi Rama me studentët e Mjekësisë.

Deputeti Boçi e ka etiketuar Ramën si të shfazuar dhe të çorientuar para studentëve. Ndërsa të folurën e Kryeministrit e ka quajtur si përpëlitje.

Boçi, ka përdorur edhe figurën letrare të krahasimit, duke e cilësuar pamjen e Kryeministrit gjatë takimit me studentët, si ajo e Ujkut të përrallës që donte të mashtronte në dëshpërim e sipër, kecat.

Ndër të tjera deputeti i PD-së, ka shtuar se studentëve nuk u ofrohet asnjë zgjidhje ligjore për kërkesat e bëra.

?UJKU ME TË BARDHA

I shfazuar dhe i çorientuar u shfaq Rama në takimin e stisur me studentët, tek konviktet e Mjekësisë.

Më shumë ngjante si përpëlitje.

Në çdo takim me studentët, ai merr atë pamjen Ujkut të përrallës që donte të mashtronte në dëshpërim e sipër, kecat.

Herë duke lyer me miell hundët, herë këmbët e herë me akullore, made in Gjushi, duart, ?Ujku me të bardha?, kërkon të mashtrojë, por dhe të nëpërkëmbë studentë e pedagogë.

Asnjë zgjidhje ligjore nuk ofron për kërkesat e studentëve.

Vetëm nxitje e tyre për një pëplasje me pedagogët, të cilët vazhdon e i trajton e dhunon sikur të ishin pjesë e administratës së vet.

Ndërkohë qarjet e tij për 4 studentë në një dhomë nuk vlejnë.

Mashtron me shumën që është vetëm për disa godina. Mashtron dhe me cilësinë.

Marrëveshja me KFË, zbulon se është dakortësuar si prioritare, ndërtimi i dhomave me 8 studentë me një banjë e vetëm disa me 4 e fare pak me 2 studentë.

Pjesë nga relacioni që shoqëron marrëveshjen në foto e vërtetojnë këtë!

Asnjë ulje tarife për masterin, kur dihet që ndarja në cikle sipas marrëveshjes së Bolonjës, nuk përjashton aspak detyrimin e shtetit për të subvencionuar masterin.

Shpërfillje për peshën e përfaqësimit dhe vendimmarrjes studentore.

Karta e studentit, është një tjetër lloj mielli që përdor Rama, sepse për të nuk janë parashikuar fonde më vete, siç e përcakton ligji i tij i mielltë.

Pakti i tij gjoja për Universitetin, është diskretituar tashmë si pakt i kërkuar armëpushimi për qeverinë e tij dhe si pakt për të shpallur luftë ndaj pedagogëve me VKM antiligjore dhe antikushtetuese.

Ujkut nuk i bën më punë as ?mielli?!!!?- shkruan Luçiano Boçi./CNA.al