web counter
LEXO PA REKLAMA!

SHKARKO APP

App Store
Google Play

E fundit!

x

Plagjiatura e Demos/ Zbardhet telefonata e Ramës me Mukën

2 Shkurt 2019, 20:00, Aktualitet CNA

Ish-zëvendësministri i Arsimit që qëndroi në detyrë për rreth dy javë, Taulant Muka ka bërë publik telefonatën që ka marrë nga kryeministri Edi Rama.

Në një postim në rrjetet sociale, Muka shkruan se Rama ka përdorur fjalor të ulët ndaj tij, pasi ka demaskuar kandidatin për Kryetar Bashkie në Berat Ervin Demon.

?Mësuesi i vizatimit Edi Rama më telefonon sepse nuk ka gëlltitur ende shuplakat që i kam dhënë me dorëheqjen nga posti i zv/Ministrit! Me një fjalor ordiner, aspak i denjë për një kryeministër tregon edhe njëherë degjenerimin mendor, shpirtëror dhe intelektual të kryeministrit të vendit! Telefonata e tij erdhi pas demaskimit që i bëra dje takimit të tij në Berat ku emëroi plagjiaturistin dhe njeriun pa diplomë Demo kryetar bashkie!?-thotë ai.

Më tej, Muka tregon se Rama se publikimi i plagjiaturës së Demos është mashtrim.

?Në takim kishte përmendur emrin tim se shpifja për plagjiaturat, dhe se Demo do fitonte gjyqin inekzistent (por propagandë) ndaj meje. Në fakt mashtruesi i vetëm këtu është Kryeministri, dhe të mos nxehet nga përgjigja që shtëpia botuese ka konfirmuar plagjiaturën e Demos, dhe dënimin qa ai mund të marrë si kopjac intelektual!?-vijon ai.

Ish-zëvendësministrin thekson se Rama do të mbahet mend si Kryeministri që mban deputetë e ministra me plagjiatura dhe që nuk e do intelektualin.

?Edi Rama do mbahet mend si Kryeministri që mban deputetë dhe ministra me diploma me qira, dhe si mishërimi më perfekt i kakistokracisë! Ai nuk e do intelektualin dhe as zhvillimin social dhe ekonomik të shoqërisë shqiptare! Edi Rama është vetë shkatërrimi!?-shkruan Taulant Muka./CNA.al





Lajmet e fundit nga