Sulmi ndaj Bujar Sheshit/ Kush është mafiozi i politikës që po trondit KLP?

29 Janar 2019, 10:59, Aktualitet CNA

Bujar Sheshi, Prokurori i Apelit tek Krimet e Rënda, u zgjodh automatikisht në trupën e Këshillit të Lartë të Prokurorisë, pasi nuk kishte kandidat tjetër.

Kur ka kaluar më shumë se një muaj nga konstituimi i këtij institucioni, KLP është bërë objekt debati.

Prej disa ditësh opozita kanë lëshuar akuza për anëtarin Bujar Sheshi, duke e quajtur një ish-spiun të Sigurimit të Shtetit në diktaturë.

Gjatë mbledhjes së djeshme të KLP ?së, Sheshi i ka quajtur akuzat shumë të rënda dhe që vijnë nga segmente të caktuara politikë.

Ai shkoi më tej duke i quajtur dhe të tipit mafioz që kërkojnë ngritjen e organeve të reja të drejtësisë.

?Pas këtij veprimi fshihen segmente të caktuara, jo vetëm në njërin krah, por persona me pushtet. Përballë kësaj situate do të kërkoja të gjithë përkrahjen tuaj për të zbardhur të vërtetën dhe zbardhur këtë skenar mafioz? deklaroi ai.

Pyetja shtrohet se çfarë ka bërë deri më tani prokurori Sheshi, ndërsa paska pasur informacione për segmente mafioze në politikë?

Pse nuk i ka hetuar ata më herët, apo tani që i ?shpërtheu bomba”,në duar është gati të flasë, thuajse emra për mafiozët e politikës.

Detyra e Sheshit si prokuror dhe çdo prokurori, është që të luftojë segmentet mafioze jo vetëm në politikë, por në të gjitha fushat.

Deklarata e djeshme e Sheshit vërtetoi se prokuroria është dobët përballë mafias politike dhe si të tillë, kanë zgjedhur të heshtin.

Nëse Sheshi pretendon se gjithçka është e qëllimshme, atëherë duhet të thotë edhe emrin e mafiozit të politikës që sipas tij ka përgatitur skenarin.

I akuzuar si ish-sigurims me pseudonimin ?Venusi? kreu i KLP-së Bujar Sheshi, sot ka bërë një kallëzim kundër Autoritetit të Dosjeve në lidhje me akuzat që i janë bërë.

Sheshi ka kallëzuar për falsifikim dokumentesh, Autoritetin e Hapjes së Dosjeve. Gjatë ditës së djeshme institucionet kanë pasur përplasje për çështjen ?Sheshi?, ndërsa vet prokurori ka mohuar akuzat.

Autoriteti i Dosjeve në reagimin për mediat ka konfirmuar se për Bujar Sheshin janë gjetur disa dokumente të tjerë, në arkivën që nuk është pranë këtij institucioni.

Sheshi prokurori i dosjes Meta-Prifti

Anëtari i KLP-së, Bujar Sheshi ka qenë prokurori i video-përgjimit Meta ? Prifti.

Kujtojmë se në atë kohë, Sheshi kërkoi që Meta të dënohet, me dy vjet burgim dhe një milion lekë gjobë, si dhe pagimin e shpenzimeve procedurale.

?Rezulton e provuar, që video është pranuar nga Gjykata e Lartë si provë në rrugë ligjore, pavarësisht se Kolegji Penal nuk e pranoi kërkesën e Prokurorisë ta dëgjonte në sallë dhe ta transkripronte atë. Përmbajtja e videos mbështet plotësisht deklarimet e Priftit edhe në lidhje me natyrën e bisedës si dhe interesimin e të pandehurit Meta, për ankandin shitjes së 30 mijë tonëve naftë bruto, si dhe garën koncensionare të ndërtimit të HEC-it në Shushicë të Librazhdit?.

Sipas Sheshit, interesimi i vazhdueshëm i të pandehurit Ilir Meta për fitimin e ankandit nga kompania e Bekim Halilajt vërtetohet. jo vetëm nga dëshmia e Priftit, por edhe nga analiza e tabulateve telefonike mes Bekim Halilajt dhe Ilir Metës.

?Nga 1 shkurti 2010 deri në 1 shkurt 2011, Bekim Halilaj ka folur me Ilir Metën në telefon 192 herë, ndërsa me Dritan Priftin, biznesmeni Halilaj gjatë të njëjtës periudhë ka folur vetëm 13 herë?, ka deklaruar më herët prokurori Sheshi në Gjykatën e Lartë./CNA.al