E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Skandal/ Prokurori mbyll dosjen e burrit të anëtares së KPK

29 Janar 2019, 10:01, Aktualitet CNA

Procesi aq shumë i përfolur i Vettingut, nuk duket aq i pastër sa trumbetohet.

Kjo për shkak të disa anëtarëve të Komisionit të Vettingut, ndaj të cilëve janë ngritur dyshime dhe akuza të rënda.

Dhe për më tepër asnjë prokuror dhe gjyqtar nuk guxon ti hetojë akuzat e ngritura ndaj tyre.

Ashtu siç ka ndodhur në rastin e Komisioneres Suela Zhegu, e cila është akuzuar nga familjarë të saj për mashtrim.

Në momentin kur denoncimi ndaj Zhegut është publikuar në media ka reaguar bashkëshorti i saj Idi Zhegu, duke kërcënuar gazetarët.

Idi Zhegu ka kërcënuar mediat, ka bërë shantazhe, për shkak se ishin denoncuar problematikat e bashkëshortes.

Për këtë rast ka pasur dhe një kallëzim penal në Prokurorinë e Tiranës.

Çështja ka përfunduar në duar të prokurorit Artan Lulaj. Mirëpo, pavarësisht të gjithave, Lulaj ka vendosur të pezullojë hetimet.

Prokurori Artan Lulaj, ndaj të cilit rëndojnë edhe akuza të tjera, duket se ka gjetur një zgjidhje për t?i shpëtuar Vettingut, duke pezulluar hetimet për bashkëshortin e Suela Zhegut.

Ky është rast flagrant dhe flet shumë për pazaret që përfliten se prodhohen nga Komisioni i Vettingut. Tani pritet të shihet, nëse Zhegu do t? ia kthejë nderin prokurorin Lulaj gjatë procesit të Vettingut.

Akuza të tjera që rëndojnë mbi Lulajn

Me zë dhe më figurë prokurori Artan Lulaj është akuzuar rëndë për disa nga çështjet që ka pasur në duar.

Familjarët e një të arrestuari e kanë akuzuar Prokurorin Artan Lulaj se ju ka çuar sekserë për të liruar të ndaluarin.

Paditësi, Arian Çavo ka treguar një një intervistë për Top Channel, se Mario Meshini u mbajt në burg nga prokurori në fjalë, ndërsa mes provave që tani janë në prokurorinë e Krimeve të Rënda ekziston një video që e shfajëson atë nga vrasja e Devi Kasmit.

?Në zyrat e shtetit funksionojnë tentakula ose njerëz që në momente të caktuara të afrohen, të japin oferta. Besoj se zgjidhja gjendet më shpejt me anë të ofertës se sa me anë të punës zyrtare që duhet të bëjë një prokuror apo një nëpunës i kujdo zyre të këtij shteti. Edhe ne kemi pasur oferta të ndryshme, por duke ditur pafajësinë e djalit, nuk kam pse t?i ofroj askujt asgjë. Oferta ekonomike për lirimin e djalit?, ka thënë Arian Çavo.

I pyetur se më emër të kujt bëheshin këto oferta, Çavo ka thënë, ? ?Një njeri e liron djalin, një njeri e arreston djalin. Prokurori është ai që e arreston, prokurori është ai që e liron?.

Më herët në muajin Maj 2018, ka dalë në dritë informacioni se Prokuroria e Krimeve të Rënda ka regjistruar një procedim penal në ngarkim të prokurorit të Tiranës, Artan Lulaj si dhe për dy gjyqtarë të Tiranës.

Procedimi thuhet se është regjistruar, pasi babai i Marvi Mihalit, të riut që u vra me thikë një vit më parë pas një sherri për një karikues, ka bërë kallëzim për korrupsion në Prokurorinë e Krimeve të Rënda.

Shkak për kallëzimin u bë lirimi i tre prej katër të arrestuarve për vrasjen e Marvi Mihalit, ku sipas babait të viktimës, prokurori Artan Lulaj i ndryshoi akuzat, nga vrasje në bashkëpunim, në moskallëzim krimi.

Pas ankesave të tij publike, Prokuroria e Tiranës mori masa të menjëhershme, duke zëvendësuar prokurorin e çështjes Artan Lulaj me prokurorin Gjergj Tako. Në kallëzimin e dorëzuar më 25 maj në Prokurorinë e Krimeve të Rënda, babai i viktimës, Pavllo Mihali, akuzonte prokurorin Artan Lulaj për korrupsion.

Ai, madje, ka rrëfyer në kallëzim edhe takimin me prokurorin Lulaj, i cili, sipas tij, i ka thënë se ?nuk pyet njeri? për punën e tij. Kallëzimi është dërguar edhe në Komisionin e Pavarur të Kualifikimit dhe në Prokurorinë e Përgjithshme, Kryeprokurores Arta Marku./CNA.al